అందమైన ముఖానికి 9 సూత్రాలు!

Published: Sat, 29 Jan 2022 00:00:00 ISTfb-iconwhatsapp-icontwitter-icon
అందమైన ముఖానికి 9 సూత్రాలు!

మేకప్‌ వేసుకోవటం ఒక కళ. ఏ మాత్రం పొరపాటు జరిగినా ఆకర్షణ దెబ్బ తింటుంది. కాబట్టి ఎలాంటి ఇబ్బందులు లేకుండా మేకప్‌ వేసుకోవటం వెనకున్న ముఖ్యమైన సూత్రాలను నేర్చుకుందాం..


స్టెప్‌ 1

మాయిశ్చరైజర్‌

మేకప్‌ వేసుకోవటానికి ముందు-  చర్మంలో మృదుత్వం కోసం మాయిశ్చరైజర్‌ రాసుకోవాలి.  ముఖాన్ని శుభ్రం చేసుకుని, మాయిశ్చరైజర్‌ పూసుకోవాలి. మాయిశ్చరైజర్‌ చర్మం లోపలికి ఇంకే వరకూ ఆగాలి.


స్టెప్‌ 2

ప్రైమర్‌

మేకప్‌ ఎక్కువ సేపు చెదిరిపోకుండా ఉండాలంటే ప్రైమర్‌ తప్పనిసరి. ఇది మన చర్మంపై ఉన్న చిన్న చిన్న గుంటలను కనిపించనివ్వకుండా చేస్తుంది.


స్టెప్‌ 3

కన్‌సీలర్‌

చర్మంపై ఉన్న మచ్చలు.. గుంటలను కనబడని వ్వకుండా చేసేది కన్‌సీలర్‌. చర్మం రంగు కన్నా తక్కువ రంగున్న కన్‌సీలర్‌ను వాడటం మంచిది.


స్టెప్‌ 4

ఫౌండేషన్‌

చర్మం రంగుకు సమానంగా ఫౌండేషన్‌ వాడాలి. బుగ్గలు, నుదురు, గడ్డం మొదలైన ప్రాంతాల్లో కొద్ది, కొద్దిగా ఫౌండేషన్‌ను అప్లై చేసి, ముఖమంతా పరచాలి.


స్టెప్‌ 5

హైలైటర్‌ అండ్‌ బ్రాంజర్‌

ముక్కు, నుదురు, చుబుకం, బుగ్గలను స్పష్టంగా కనిపిం చేలా చేసే హైలైటర్‌ చర్మం రంగు కన్నా.. లేత రంగులో ఉండాలి. బ్రాంజర్‌ ముదురు రంగులో ఉండాలి.


స్టెప్‌ 6

బ్లష్‌

ముఖానికి ఒక మంచి వర్చస్సు రావాలంటే బ్లష్‌ అవసరం. బుగ్గల మీదా, నుదుటి పై భాగంలోను బ్లష్‌ను అప్లై చేయటం వల్ల మంచి ఫలితాలు ఉంటాయి. 


స్టెప్‌ 7

ఐబ్రో పెన్సిల్‌ 

 కళ్లు 

అందంగా కనిపించాలంటే ఐబ్రో పెన్సిల్‌ను తప్పనిసరిగా వాడాలి. జుట్టు రంగు కన్నా కొద్దిగా లేత రంగును వాడితే మంచిది.


స్టెప్‌ 8

షాడో, లైనర్‌, మస్కారా

 కనుబొమ్మల కింద లేత రంగు, కనురెప్పల పైన ముదురు రంగు షాడోలను వాడాలి. రెప్పల అంచున ఐలైనర్‌ను వాడాలి. కనురెప్పలకు మస్కారా వాడితే మంచి లుక్‌ వస్తుంది.


స్టెప్‌ 9

లిప్‌స్టిక్‌ 

ముఖానికి అందం తెచ్చే వాటిలో లిప్‌స్టిక్‌ ఒకటి. మన మూడ్‌, వేసుకున్న బట్టలు, వెళ్తున్న ప్రదేశం, అక్కడున్న లైటింగ్‌ ఆధారంగా లిప్‌స్టిక్‌ను ఎంచుకోవాలి.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.