కనీస వడ్డీ రేటు 7.5 %
ABN , First Publish Date - 2022-06-21T09:19:09+05:30 IST
ఎల్‌ఐసీ హసింగ్‌ ఫైనాన్స్‌ కూడా తన గృహ రుణాల కనీస వడ్డీ రేట్లు పెంచింది.
ఎల్‌ఐసీ హౌసింగ్‌ ఫైనాన్స్‌
ముంబై: ఎల్‌ఐసీ హసింగ్‌ ఫైనాన్స్‌ కూడా తన గృహ రుణాల కనీస వడ్డీ రేట్లు పెంచింది. ఇప్పటి వరకు ఉన్న 6.9 శాతం కనీస వడ్డీ రేటును 7.5 శాతానికి పెంచింది. సోమవారం నుంచే ఈ పెంపు అమల్లోకి వచ్చింది. ఈ పెంపు డిమాండ్‌ను ఏ మాత్రం ప్రభావితం చేయదని కంపెనీ ఎండీ, సీఈఓ వై విశ్వనాధ గౌడ చెప్పారు. ఈ నెలలో జరిగిన భేటీలో ఆర్‌బీఐ ద్రవ్య విధాన కమిటీ (ఎంపీసీ) రెపో రేటును 4.4 శాతం నుంచి 4.9 శాతానికి పెంచింది. దీంతో ఎస్‌బీఐతో సహా అనేక బ్యాంకులు, ఆర్థిక సంస్థలు తమ గృహ రుణాల వడ్డీ రేట్లు పెంచాయి.
