ఎమ్మెల్యే రాజాసింగ్ అరెస్ట్..

హైదరాబాద్‌: బీజేపీ ఎమ్మెల్యే రాజాసింగ్‎ను(MLA Raja sing) పోలీసులు అరెస్ట్ చేశారు. వివాదాస్పద వ్యాఖ్యలు చేసిన ఘటనలో రాజాసింగ్‌ను మంగళవారం ఉదయం షాహీ నాయత్ గంజ్ పోలీసులు అరెస్ట్ చేశారు. అరెస్ట్ అనంతరం రాజాసింగ్ ను పోలీస్ వాహనంలో స్టేషన్ కు తరలించారు. ఎమ్మెల్యే అరెస్ట్ నేపథ్యంలో ఎటువంటి అవాంఛనీయ సంఘటనలు జరగకుండా ముందస్తుగా పోలీసులు భారీగా మోహరించారు. ఎంఐఎం ఫిర్యాదుతో రాజాసింగ్‎పై కేసు నమోదు చేశారు.

రాజాసింగ్ వివాదాస్పద వ్యాఖ్యలు

ముహమ్మద్ ప్రవక్తపై(Prophet Muhammad) బీజేపీ ఎమ్మెల్యే రాజాసింగ్(MLA Raja sing) చేసిన వివాదాస్పద వ్యాఖ్యలపై హైదరాబాద్ పోలీసులు పలు సెక్షన్ల కింద కేసు నమోదు చేశారు.హైదరాబాద్ పోలీసుల(Hyderabad police) విజ్ఞప్తి మేరకు ఎమ్మెల్యే రాజాసింగ్ వివాదాస్పద వీడియోను(video) యూట్యూబ్(YouTube) నుంచి తొలగించారు.(removed)రాముడిని కించపర్చిన మునావర్‌ ఫారుఖీని హైదరాబాద్‌ తీసుకొస్తే...తీవ్ర పరిణామాలు ఉంటాయని రాజాసింగ్ హెచ్చరించారు. ‘‘నేను హెచ్చరించినా మునావర్‌తో షో జరిపించారు, పోలీసులకు నేను ముందే దండం పెట్టి వేడుకున్నా, అయినా వినలేదు, మునావర్‌కు కౌంటర్ వీడియోలు చేస్తానని ముందే చెప్పాను’’ అని రాజాసింగ్ పేర్కొన్నారు.రాజాసింగ్ అలా చేసిన వీడియోను యూట్యూబ్‌లో పెట్టడంతో వివాదం చెలరేగింది.