మ్యాజిక్ చూసి.. ఫన్నీ రియాక్షన్ ఇచ్చిన కోతి.. నెట్టింట వైరల్!

ఇంటర్నెట్ డెస్క్: కాలక్షేపం కోసం సాధారణంగా మనం మ్యాజిక్ షోలకు వెళ్తూ ఉంటాం. అక్కడ రకరకాల ట్రిక్కులతో మెజీషియన్ చేసే మ్యాజిక్ చూసి పొట్టచెక్కలయ్యేంత నవ్వుతాం. ఇపుడు ఇదంతా ఎందుకు చెప్పుకుంటున్నాం అంటే.. ప్రస్తుతం ఓ వానరానికి సంబంధించిన ఓ వీడియో సోషల్ మీడియాలో వైరల్‌గా మారింది. ఓ వ్యక్తి చేసిన మ్యాజిక్‌కు కోతి ఫన్నీ రియాక్షన్స్ ఇచ్చింది. అది చూసి నెటిజన్లు రకరకాలుగా కామెంట్లు చేస్తున్నారు. 

మ్యాక్సిమెలియానో అనే వ్యక్తి కొద్ది రోజుల క్రితం మెక్సికన్ జూను సందర్శించాడు. అక్కడున్న జంతువులను చూస్తున్న క్రమంలో అతడికి ఓ కోతి కనిపించింది. ఈ క్రమంలో అద్దం దగ్గర నించొని సందర్శకులను గమనిస్తున్న వానరం దగ్గరకు అతడు వెళ్లాడు. అనంతరం చిన్న చిన్న ట్రిక్స్‌తో.. వానరం ముందు మ్యాజిక్ చేశాడు. ఆ మ్యాజిక్‌  గమనించిన వానరం.. ఫన్నీగా రియాక్షన్స్ ఇచ్చింది. ఆ తర్వాత ‘ఈ మాయలోడు నా వెనక పడ్డాడేంట్రా బాబూ’ అని అనుకున్నట్టు ఉంది. అక్కడ నుంచి దూరంగా వెళ్లిపోయింది. ఈ దృశ్యాలను కొందరు వీడియో తిసి, సోషల్ మీడియాలో పోస్ట్ చేశారు. దీంతో ఆ వీడియో ప్రస్తుతం నెట్టింట హల్‌చల్ చేస్తోంది.