బ్యాంకులు మార్జిన్లలో పెరుగుదలను నమోదు చేస్తాయి మూడీస్

ముంబై : భారత్, సౌదీ అరేబియా, దక్షిణాఫ్రికాలోని బ్యాంకులు... 2023 ఆర్ధికసంవత్సరంలో మార్జిన్లలో భారీ పెరుగుదలను నమోదు చేయవచ్చని క్రెడిట్ రేటింగ్ ఏజెన్సీ మూడీస్ ఇన్వెస్టర్స్ సర్వీస్ సోమవారం పేర్కొంది. ద్రవ్యోల్బణాన్ని అరికట్టేందుకు పలు జీ-20 ఎమర్జింగ్ మార్కెట్లలో పాలసీ రేట్లను పెంచడం ద్వారా బ్యాంకుల మార్జిన్లు మెరుగుపడతాయని మూడీస్ పేర్కొంది. ద్రవ్యోల్బణం మరింత వేగంగా పెరగడం వల్ల అధిక రుణనష్టం కేటాయింపులు అవసరమవుతాయని, మార్జిన్ లాభాలను చెరిపేస్తుందని రేటింగ్ ఏజెన్సీ పేర్కొంది.

కాగా... ‘క్రమబద్ధంగా, వడ్డీ రేట్లలో క్రమంగా పెరుగుదల అభివృద్ధి చెందుతున్న మార్కెట్ బ్యాంకింగ్ వ్యవస్థల్లో బ్యాంకింగ్ లాభాలను మెరుగుపరుస్తుంది. ఫలితంగా... భారత్, సౌదీ అరేబియా, దక్షిణాఫ్రికాల్లోని బ్యాంకులు 2022-2023లో మార్జిన్లలో తులనాత్మకంగా భారీ  పెరుగుదలను నమోదు చేస్తాయని మూడీస్ అంచనా వేసింది.

అర్జెంటీనా, బ్రెజిల్, చైనా, ఇండియా, ఇండోనేషియా, మెక్సికో, రష్యా, సౌదీ అరేబియా, దక్షిణాఫ్రికా, టర్కీ... ఈ పది G-20 అభివృద్ధి చెందుతున్న మార్కెట్‌లలోని బ్యాంకులపై రేటింగ్ ఏజెన్సీ దృష్టి పెట్టింది. "ఇప్పుడు చాలా కేంద్ర బ్యాంకులు ద్రవ్యోల్బణాన్ని అరికట్టడానికి ద్రవ్య విధానాన్ని కఠినతరం చేసిన విషయం తెలిసిందే. వచ్చే ఏడాది(2023 లో) మొత్తం పది అభివృద్ధి చెందుతున్న మార్కెట్ల దేశాల్లో ద్రవ్యోల్బణం తగ్గుతుందని భావిస్తున్నట్లు చెబుతున్నారు. ఇది బ్యాంకులకు ఆస్తి నష్టాలను నియంత్రిస్తుందని మూడీస్‌లోని సీనియర్ క్రెడిట్ ఆఫీసర్ వైస్ ప్రెసిడెంట్ యూజీన్ టార్జిమనోవ్ పేర్కొన్నారు. 

కాగా... పది G-20 వర్ధమాన మార్కెట్లలో, టర్కీ అధిక ద్రవ్యోల్బణాన్ని ఎదుర్కొంటోంది, ఇది మే 2022లో 73 శాతానికి చేరుకోవడం గమనార్హం. ఆ తర్వాత అర్జెంటీనా 61 శాతానికి చేరుకుంది. పెరుగుతున్న ద్రవ్యోల్బణం రేట్లు ప్రధానంగా సరఫరా పరిమితులు, వస్తువుల ధరలలో పెరుగుదల, కరెన్సీ ఒత్తిడి కారణంగా ఉన్నాయి. ద్రవ్యోల్బణం వేగవంతమైనప్పుడు బ్యాంకుల క్రెడిట్ ఖర్చులు కూడా పెరుగుతాయి. రష్యా, టర్కీల్లోని బ్యాంకులు 2022-2023లో క్రెడిట్ ఖర్చుల్లో భారీ పెరుగుదలను నమోదు చేస్తాయని మూడీస్ అంచనా వేసింది.