వంటలు

పెసరపప్పు లడ్డు

పెసరపప్పు లడ్డు

కావలసినవి: పెసరపప్పు - ఒక కప్పు, పంచదార పొడి - అరకప్పు, యాలకుల పొడి - అర టీస్పూన్‌, నెయ్యి - పావుకప్పు, జీడిపప్పు - పది పలుకులు, బాదం పలుకులు - పది.


తయారీ విధానం: స్టవ్‌పై పాన్‌పెట్టి పెసరపప్పు వేసి వేయించుకోవాలి. (డ్రై రోస్ట్‌) పప్పు చల్లారిన తరువాత మిక్సీలో వేసి పొడి చేసుకోవాలి. స్టవ్‌ పై మళ్లీ పాన్‌ పెట్టి పెసరపప్పు పొడి వేసి, పావు కప్పు నెయ్యి వేసి వేయించాలి. పదినిమిషాల పాటు కలుపుకొంటూ వేయిస్తే గోల్డెన్‌ బ్రౌన్‌ కలర్‌లోకి మారుతుంది. ఇప్పుడు ఈ మిశ్రమాన్ని ఒక బౌల్‌లోకి మార్చుకోవాలి. తరువాత అందులో పంచదార పొడి, యాలకుల పొడి, నలగ్గొట్టిన జీడిపప్పు, బాదంపప్పు వేసి కలుపుకోవాలి. ఈ మిశ్రమాన్ని కొద్ది కొద్దిగా తీసుకుంటూ లడ్డూలు ఒత్తుకోవాలి. వీటిని పిల్లలకు సాయంత్రం స్నాక్స్‌గా అందిస్తే ఇష్టంగా తింటారు.


Follow Us on:
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.