అది అతిపెద్ద విస్కీ బాటిల్... ఎంతకు అమ్ముడయ్యిందంటే...
ABN , First Publish Date - 2022-05-30T17:32:38+05:30 IST
ప్రపంచంలో మద్యం బాటిళ్ల గురించి ఎక్కడో ఒకచోట...
ప్రపంచంలో మద్యం బాటిళ్ల గురించి ఎక్కడో ఒకచోట చర్చ జరుగుతూనే ఉంటుంది. తాజాగా ఒక విస్కీ బాటిల్ వేలంపాట హెడ్లైన్స్లో నిలిచింది. వేలంలో దీని ధర కోట్లలో పలికింది. ఈ మద్యం సీసాలో లీటరు ప్రకారం కాకుండా గ్యాలన్ ప్రకారం మద్యం నింపాల్సివుంటుంది. ఫోర్బ్స్ నివేదిక ప్రకారం ఈ బాటిల్లో 86 గ్యాలన్ల వరకు ఆల్కహాల్ నింపవచ్చు.
ఒక గ్యాలన్ అంటే 4.5 లీటర్లు. 86 గ్యాలన్ల కెపాసిటీ ఉన్న ఈ సీసాలో 363 లీటర్ల మద్యం పడుతుంది. ఈ బాటిల్ 444 స్టాండర్డ్ సైజ్ బాటిల్తో సమానమని చెబుతున్నారు. ఈ సీసా సుమారు 6 అడుగుల పొడవు కలిగివుంది. ఇంత పెద్ద బాటిల్ గిన్నిస్ బుక్ ఆఫ్ వరల్డ్ రికార్డ్స్లో స్థానం సంపాదించుకుంది. ఈ బాటిల్ దాదాపు 32 ఏళ్ల నాటిది. ఈ విస్కీ బాటిల్ పేరు ది ఇంట్రెపిడ్. ఈ బాటిల్ను మే 25న వేలం వేయగా 1.4 మిలియన్ డాలర్లకు అంటే 10 కోట్ల రూపాయలకు విక్రయమయ్యింది.