అమూల్‌, మదర్‌ డెయిరీ పాలు ప్రియం

Published: Wed, 17 Aug 2022 01:28:44 ISTfb-iconwhatsapp-icontwitter-icon
అమూల్‌, మదర్‌ డెయిరీ పాలు ప్రియం

లీటరుకు 2 రూపాయల పెంపు

పెరిగిన ధరలు నేటి నుంచే అమల్లోకి


న్యూఢిల్లీ, ఆగస్టు 16: ప్రముఖ పాల ఉత్పత్తి సంస్థలు అమూల్‌, మదర్‌ డెయిరీలు పాల ధరను పెంచాయి. లీటరుకు రూ.2 చొప్పున పెంచుతున్నట్లు ప్రకటించాయి. ఈ పెంపు బుధవారం నుంచే అమల్లోకి రానున్నట్లు ప్రకటించాయి. పెట్టుబడులు పెరగడంతోనే అమూల్‌ పాల ధరను పెంచినట్లు గుజరాత్‌ కో ఆపరేటివ్‌ మిల్క్‌ మార్కెటింగ్‌ ఫెడరేషన్‌ (జీసీఎంఎంఎఫ్‌) మంగళవారం ఓ ప్రకటనలో వెల్లడించింది. అమూల్‌, మదర్‌ డెయిరీలు పాల ధరలను పెంచడం గడిచిన ఆర్నెల్లలో ఇది రెండో సారి కావడం గమనార్హం. ఈ ఏడాది మార్చి ప్రారంభంలో కూడా పాల ధరను లీటరుకు రూ.2 చొప్పున పెంచాయి. తాజాగా పెంచిన ధరలు బుధవారం నుంచి అమల్లోకి వస్తాయని జీసీఎంఎంఎఫ్‌ తెలిపింది. గడిచిన ఐదు నెలల్లో పెట్టుబడి వ్యయం భారీగా పెరిగిపోయిందని, ఫలితంగానే పాల ధరలు పెంచాల్సి వచ్చిందని మదర్‌ డెయిరీ వెల్లడించింది. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.