ltrScrptTheme3

మోహన కృష్ణ ఇంద్రగంటి, నందిని రెడ్డి దర్శకత్వంలో నాగ చైతన్య..?

Oct 22 2021 @ 10:08AM

ఇటీవలే 'లవ్ స్టోరి' మూవీతో వచ్చి మంచి హిట్ అందుకున్న అక్కినేని నాగ చైతన్య వరుస ప్రాజెక్ట్స్‌తో బిజీగా ఉన్నాడు. ఇప్పటికే బాలీవుడ్ మూవీ 'లాల్ సింగ్ చద్దా', తెలుగులో 'థ్యాంక్యూ' సినిమాలను పూర్తి చేశాడు. ఈ రెండు సినిమాల రిలీజ్‌కు సన్నాహాలు జరుగుతున్నాయి. ఈ క్రమంలోనే మరో రెండు సినిమాలను సెట్స్‌పైకి తీసుకురాబోతున్నాడట చైతూ. అందులో ఒక చిత్రానికి మోహన కృష్ణ ఇంద్రగంటి దర్శకత్వం వహించబోతుండగా..మరొక చిత్రానికి లేడీ డైరెక్టర్ బీ.వీ నందిని రెడ్డి దర్శకత్వం వహించనున్నట్టు తెలుస్తోంది. ఈ రెండు ప్రాజెక్ట్స్‌కు నాగ చైతన్య ఎప్పుడో గ్రీన్ సిగ్నల్ ఇచ్చినట్టు సమాచారం. వైజయంతి మూవీస్ బ్యానర్‌లో నిర్మించే చిత్రానికి నందిని రెడ్డి దర్శకురాలని ..ప్రస్తుతం ఈ ప్రాజెక్ట్‌కి సంబంధించిన ప్రీప్రొడక్షన్స్ వర్క్ జరుగుతోందని సమాచారం. ఇక త్వరలో తండ్రి నాగార్జునతో కలిసి 'బంగార్రాజు' మూవీ సెట్‌లో చైతూ జాయిన్ కానున్నాడట. మొత్తానికి వరుస ప్రాజెక్ట్స్‌తో వచ్చే ఏడాది మొత్తం ఈ అక్కినేని హీరో ఫుల్ బిజీగా ఉండబోతున్నాడు.  

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.