కల్వకుర్తి ఎత్తిపోతల పథకం రిజర్వాయర్ దగ్గర ఉద్రిక్తత
ABN , First Publish Date - 2022-03-22T20:41:21+05:30 IST
కొల్లపూర్ మండలం, కల్వకుర్తి ఎత్తిపోతల పథకం రిజర్వాయర్ దగ్గర కొద్దిసేపు ఉద్రిక్తత నెలకొంది.
నాగర్ కర్నూల్ జిల్లా: కొల్లపూర్ మండలం, కల్వకుర్తి ఎత్తిపోతల పథకం రిజర్వాయర్ దగ్గర కొద్దిసేపు ఉద్రిక్తత నెలకొంది. ఎన్సీకేఎల్ఐలో భూములు కోల్పోయిన ఎల్లూరు, బోరబండ తండా, చెంచుగూడెం రైతులు రిజర్వాయర్‌లో చేపలు పట్టేందుకు వచ్చారు. వారిని మత్స్యాకారులు అడ్డుకున్నారు. దీంతో ఇరు వర్గాల మధ్య ఘర్షణ, తోపులాట జరిగింది.
గత 12 ఏళ్ల నుంచి నల్లచెరువు రిజర్వాయర్‌లో చేపలు పట్టుకుని జీవనోపాధి సాగిస్తున్నామని మత్స్యకారులు చెబుతుండగా... చట్టప్రకారం రిజర్వాయర్‌లో భూములు కోల్పోయిన తాము ఉపాధి కోసం చేపలు పట్టుకుంటున్నామని రైతులు అన్నారు. ఈ నేపథ్యంలో రంగప్రవేశం చేసిన పోలీసులు ఇరువర్గాలకు నచ్చజెప్పారు.
