అగ్రరాజ్యంలో భారత సంతతి మహిళకు కీలక పదవి

May 15 2021 @ 08:12AM

వాషింగ్టన్: అగ్రరాజ్యం అమెరికాలో మరో ఇండియన్ అమెరికన్‌కు అరుదైన గౌరవం దక్కింది. అమెరికా అధ్యక్షుడు జో బైడెన్ బృందంలో భారత సంతతి మహిళకు కీలక పదవి దక్కింది. అగ్రరాజ్య అధినేత జో బైడెన్ సీనియర్ సలహాదారుగా భారతీయ మూలాలున్న నీరా టాండన్ నియమితులయ్యారు. ఈ విషయాన్ని వైట్‌హౌస్ స్పష్టం చేసింది. ‘జో బైడెన్ సీనియర్ సలహాదారుగా నీరా టాండన్ నియమితులయ్యారు. నీరా యొక్క తెలివితేటలు, చిత్తశుద్ధి, రాజకీయ అవగాహన బిడెన్ పరిపాలనకు ఒక ఆస్తి అవుతుంది’ అని సెంటర్ ఫర్ అమెరికన్ ప్రోగ్రెస్ (సీఏపీ) వ్యవస్థాపకుడు జాన్ పొడెస్తా ఓ ప్రకటనలో తెలిపారు. అంతేకాకుండా సీనియర్ సలహాదారుగా నీరా టిండాన్ సాధించే విజయాలను చూసేందుకు ఎదురు చూస్తున్నట్టు పేర్కొన్నారు.


కాగా.. మేనేజ్‌మెంట్ అండ్ బడ్జెట్ ఆఫీస్ డైరెక్టర్‌గా నీరా టాండన్‌ను అమెరికా అధ్యక్షుడు జో బైడెన్ గతంలో నామినేట్ చేశారు. అయితే గతంలో పలువురు నేతలపై చేసిన పాక్షపాత ట్వీట్ల కారణంగా తీవ్ర వ్యతిరేకత వ్యక్తమైన నేపథ్యంలో ఆమె తన నామినేషన్‌ను ఉపసంహరించుకున్న విషయం తెలిసిందే. ఈ క్రమంలో జో బైడెన్ సీనియర్ సలహాదారుగా నీరా టాండన్ నియమితులయ్యారు. ఇదిలా ఉంటే.. అమెరికా మాజీ అధ్యక్షుడు బరాక్ ఒబామా, మాజీ విదేశాంగ మంత్రి హిల్లరీ క్లింటన్‌కు సలహాదారుగా నీరా టాండన్ గతంలో పని చేశారు. 


Follow Us on:

తాజా వార్తలుమరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.