నేపాల్ ప్రధాని ఓలికి పార్టీ నుంచి ఉద్వాసన
ABN , First Publish Date - 2021-01-25T14:16:29+05:30 IST
నేపాల్ కమ్యూనిస్టు పార్టీ(ఎన్సీపీ)లో ప్రధాని కేపీ శర్మ ఓలి ప్రాథమిక సభ్యత్వాన్ని సొంత పార్టీయే రద్దు చేసింది. ఆయన్ను పార్టీ
కాఠ్మాండూ, జనవరి 24: నేపాల్ కమ్యూనిస్టు పార్టీ(ఎన్సీపీ)లో ప్రధాని కేపీ శర్మ ఓలి ప్రాథమిక సభ్యత్వాన్ని సొంత పార్టీయే రద్దు చేసింది. ఆయన్ను పార్టీ నుంచి తొలగిస్తున్నట్లు ఆదివారం ప్రకటించింది. ఈ మేరకు పార్టీ కమిటీ సమావేశంలో నిర్ణయం తీసుకున్నట్లు ఎన్సీపీ అధికార ప్రతినిధి నారాయణ్కాజీ శ్రేష్ఠ ప్రకటించారు. పార్టీలో ఓలి వర్గానికి, పుష్ప కమల్ దహల్ వర్గానికి చాలాకాలంగా విభేదాలు భగ్గుమంటున్న సంగతి తెలిసిందే. గత నెల 20న నేపాల్ పార్లమెంటును రద్దు చేస్తూ ఓలి నిర్ణయం తీసుకున్నారు. ఈ నేపథ్యంలోనే ఆయన్ను పార్టీ నుంచి తొలగిస్తున్నట్లు ఎన్సీపీ నిర్ణయించింది. ఎన్సీపీ రెండు వర్గాలుగా విడిపోయిన నేపథ్యంలో.. ఇకపై ఆ పార్టీ ఓలి వర్గానిదా లేక దహల్ వర్గానిదా అన్న విషయాన్ని ఎన్నికల సంఘం తేల్చాల్సి ఉంది.