అమెరికాలో కొత్త నిబంధన.. 2026 కల్లా కొత్త వాహనాల..
ABN , First Publish Date - 2022-04-04T03:04:08+05:30 IST
కర్బన ఉద్గారాల విడుదలను తగ్గించి పర్యావరణాన్ని కాపాడే దిశగా అమెరికా ప్రభుత్వం మరో కీలక నిర్ణయం తీసుకుంది.
వాషింగ్టన్: కర్బన ఉద్గారాల విడుదలను తగ్గించి పర్యావరణాన్ని కాపాడే దిశగా అమెరికా ప్రభుత్వం మరో కీలక నిర్ణయం తీసుకుంది. 2026 కల్లా దేశంలో అమ్ముడుపోయే కొత్త వాహనాలన్నిటి కనీస మైలేజీ గ్యాలన్ ఇంధనానికి 40 మైళ్లుగా ఉండాలని తేల్చింది. ఈ మేరకు నేషనల్ హైవే ట్రాఫిక్ సేఫ్టీ అడ్మినిస్ట్రేషన్ తాజాగా ఓ ప్రకటన విడుదల చేసింది. ఇప్పటివరకూ దేశంలో అనుసరించిన ప్రమాణాలన్నిటికిలోకి ఇవి మెరుగైనవని పేర్కొంది. దీని వల్ల 220 బిలియన్ గ్యాలన్ల మేరకు ఇంధన వినియోగం తగ్గుతుందని తెలిపింది. ట్రంప్ సర్కారు గతంలో తెచ్చిన నిబంధనల ప్రకారం.. ఈ ఏడాది మార్కెట్‌లోకి వచ్చే వాహనాల మైలేజీ గ్యాలన్ ఇంధనానికి 28 మైళ్లుగా ఉండాలి. అయితే.. ఈ ప్రమాణాల స్థాయిని మరింత పెంచేందుకు అమెరికా ప్రభుత్వం తాజాగా నిర్ణయించింది.
