న్యూ ఇయర్‌ వేడుకలపై నిషేధం

Published: Sat, 18 Dec 2021 09:33:17 ISTfb-iconwhatsapp-icontwitter-icon
న్యూ ఇయర్‌ వేడుకలపై నిషేధం

                 - స్టార్‌ హోటళ్లలో మిడ్‌నైట్‌ పార్టీలకు బ్రేక్‌


చెన్నై: రాష్ట్రంలో కొత్తరూపు సంతరించుకున్న కరోనా వైరస్‌ ‘ఒమైక్రాన్‌’ ప్రవేశించడంతో నగరంలోను, సబర్బన్‌ ప్రాంతాల్లోనూ ఆంగ్ల సంవత్సరాది వేడుకలపై నిషేధం విధించేందుకు పోలీసు ఉన్నతాధికారులు సిద్ధమవుతున్నారు. ఇప్పటికే రాష్ట్ర ప్రభుత్వం మెరీనాబీచ్‌ తదితర తీర ప్రాంతాల్లో ఈ నెల 31 నుంచి జనవరి ఒకటి వరకూ ఆంగ్ల సంవత్సరాది వేడుకలు జరుపరాదంటూ ఆంక్షలు విధించింది. ఈ నేపథ్యంలో ప్రతియేటా ఆంగ్ల సంవత్సరాది సందర్భంగా నగరంలోని స్టార్‌హోటళ్లు, శివారు ప్రాంతాల్లోని ఫామ్‌ హౌస్‌ల్లో డిసెంబర్‌ 31వ తేదీ రాత్రి మందు పార్టీలు, విందులు, వినోదాలు, నృత్యకార్యక్రమాలు జరుగుతుంటాయి. అయితే ఈ యేడాది ‘ఒమైక్రాన్‌’ వ్యాప్తి  నిరోధించడానికి చర్యలు చేపట్టమంటూ కేంద్ర ప్రభుత్వం అన్ని రాష్ట్ర ప్రభుత్వాలను ఆదేశించింది. ‘ఒమైక్రాన్‌’పై వచ్చే యేడాది జనవరి 15వరకు అప్రమత్తంగా వ్యవహరించాలంటూ హెచ్చరించింది. ఈ పరి స్థితులలో నగరంలోని స్టార్‌ హోటళ్లు, వినోద క్లబ్బుల యజమానులు, ఫామ్‌హౌస్‌ల నిర్వాహకులతో పోలీసు ఉన్నతాధికారులు త్వరలో చర్చలు జరుపనున్నారు. ఈ విషయమైన పోలీసు ఉన్నతాధికారి ఒకరు మాట్లాడుతూ సముద్రతీర ప్రాంతాల్లో న్యూ ఇయర్‌ వేడుకలను, ప్రజ ల సందర్శనను నిషేధించిన నేపథ్యంలో ఫామ్‌హౌస్‌లు, స్టార్‌హోటళలో ఆ వేడుకలను జరుపుకునేందుకు అనుమతిస్తే వేల సంఖ్యలో ప్రజలు ఒకే చోట గుమికూడి వైరస్‌ వ్యాప్తికి కారకులవుతారన్నారు. ఈ విషయంపై వాటి యజమానులతో త్వరలో చర్చించనున్నట్టు చెప్పారు. నగరంలోని స్టార్‌ హోటళ్ల నిర్వాహకులు మాట్లాడుతూ ఇప్పటి వరకూ తాము ఆంగ్ల సంవత్సరాదికి ఎలాంటి ఏర్పాట్లు చేపట్ట లేదని, ప్రభుత్వ ఉత్తర్వుల ప్రకారం నడచుకుంటామని తెలిపారు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.