నూతన కార్మిక చట్టాలను రద్దు చేయాలి

Published: Mon, 08 Aug 2022 00:03:53 ISTfb-iconwhatsapp-icontwitter-icon
నూతన కార్మిక చట్టాలను రద్దు చేయాలిమాట్లాడుతున్న జేఏసీ చైర్మన్‌ నాగేశ్వరరావు

 జేఏసీ చైర్మన్‌ నాగేశ్వరరావు


నెల్లూరు (వైద్యం), ఆగస్టు 7 : కేంద్ర ప్రభుత్వం తీసుకు వచ్చిన నూతన కార్మిక చట్టాలను రద్దు చేయాలని ఏపీ కాంట్రాక్టు, ఔట్‌సోర్సింగ్‌ యూనియన్‌ జేఏసీ చైర్మన్‌ నాగేశ్వర రావు డిమాండ్‌ చేశారు. ఆదివారం నెల్లూరులోని డాక్టర్‌ జెట్టి శేషారెడ్డి విజ్ఞాన కేంద్రంలో కార్మిక చట్టాలు సవరణ - కార్మికులపై ప్రభావం అన్న అంశంపై సదస్సు జరిగింది. ఈ సందర్భంగా నాగేశ్వర రావు మాట్లాడుతూ 44 కార్మిక చట్టాలను రద్దు చేస్తూ నూతనంగా తీసుకు వచ్చిన 4 లేబర్‌ కోడ్‌ల వల్ల కార్మికులు పోరాడి సాధించుకున్న చట్టాలు రద్దవుతాయని ఆందోళన వ్యక్తం చేశారు. కార్పొరేట్‌ యజమానులకు మేలు జరిగేలా ఈ నూతన చట్టాలను తీసుకువచ్చారని మండిపడ్డారు. రాష్ట్ర ప్రభుత్వం కూడా ఈ నూతన చట్టాలను అమలు చేసేందుకు సిద్ధమైందని, తక్షణమే ఈ నిర్ణయాన్ని ఉపసంహరించుకోవాలని కోరారు. సీఐటీయూ జిల్లా ప్రధాన కార్యదర్శి అజయ్‌కుమార్‌ మాట్లాడుతూ ఏపీ జెన్‌కో ప్రైవేటీకరణకు వ్యతిరేకంగా ఈ నెల 8వ తేదీన జనజాగరణ కార్యక్రమం నిర్వహిస్తున్నట్లు చెప్పారు. ఇందులో కార్మికులు పాల్గొని జయప్రదం చేయాలని పిలుపునిచ్చారు. ఈ కార్యక్రమంలో సీఐటీయూ జిల్లా నాయకులు మోహన్‌రావు, శ్రీనివాసులు, పెంచల నర్సయ్య, అన్నపూర్ణమ్మ, కట్టా సుబ్రహ్మణ్యం, గడ్డం అంకయ్య తదితరులు పాల్గొన్నారు.  

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.