ఆన్‌లైన్‌ గేమ్స్‌పై అప్రమత్తత అవసరం

ABN , First Publish Date - 2020-08-09T10:19:10+05:30 IST

ఆన్‌లైన్‌ గేమ్స్‌ ఆడేటప్పుడు జాగ్రత్త వహించాలని జిల్లా రూరల్‌ పోలీసులు సూచించారు.

ఆన్‌లైన్‌ గేమ్స్‌పై అప్రమత్తత అవసరం

విశాఖపట్నం, ఆగస్టు 8(ఆంధ్రజ్యోతి): ఆన్‌లైన్‌ గేమ్స్‌ ఆడేటప్పుడు జాగ్రత్త వహించాలని జిల్లా రూరల్‌ పోలీసులు సూచించారు. ఆన్‌లైన్‌ గేమ్స్‌, ఇల్లీగల్‌ డౌన్‌లోడ్స్‌పై శనివారం జిల్లాలో పలు పోలీస్‌ స్టేషన్‌ల పరిధిలో మహిళలకు అవగాహన కార్యక్రమాలు నిర్వహించారు. ఈ సందర్భంగా అమరావతి నుంచి సీఐడీ డీజీ సునీల్‌కుమార్‌ నిర్వహించిన వీడియోకాన్ఫరెన్స్‌ను వీక్షించిన అనంతరం మహిళల సందేహాలను నివృత్తి చేశారు. లైసెన్స్‌ పొందిన యాప్స్‌, ఆధీకృత వెబ్‌సైట్ల నుంచి మాత్రమే డౌన్‌లోడ్‌ చేసుకోవాలని పోలీసులు సూచించారు. కాగా ఆదివారం ఉదయం 11 గంటలకు సైబర్‌ నేరాలు- అవగాహనపై ఏపీసీఐడీ యూ ట్యూబ్‌ చానల్‌ ద్వారా కార్యక్రమం వీక్షించాలని ఎస్‌పీ కృష్ణారావు కోరారు.

Updated Date - 2020-08-09T10:19:10+05:30 IST