Advertisement

అప్పు తీర్చమన్నందుకు వదిన నంబర్ ఆన్‌లైన్‌లో పెట్టి..!

Apr 20 2021 @ 11:00AM

హైదరాబాద్‌ సిటీ : తీసుకున్న అప్పు తిరిగి చెల్లించమన్నందుకు కక్ష పెంచుకున్న ఓ యువకుడు వదినను, ఆమె భర్తను వేధించాడు. చివరకు పోలీసులకు చిక్కి కటకటాలపాలయ్యాడు. వివరాల్లోకి వెళ్తే.. రంగారెడ్డి జిల్లా, మార్గుల మండలం, కలకొండకు చెందిన నగిళ్ల యశ్వంత్‌ తన బంధువు(వరుసకు వదిన) భర్త వద్ద రూ. 2వేలు అప్పు తీసుకున్నాడు. డబ్బులు తిరిగి చెల్లించపోవడంతో ఆ విషయం ఆమె యశ్వంత్‌ అమ్మానాన్నలకు చెప్పింది. దాంతో తల్లిదండ్రులు అతడిపై కోప్పడ్డారు. అది మనసులో పెట్టుకున్న యువకుడు ఎలాగైనా వదిన, ఆమె భర్త పరువును బజారుకీడ్చాలని పథకం వేశాడు. వదిన మొబైల్‌ నంబర్‌ను ‘షేర్‌ చాట్‌’ అప్లికేషన్‌లో పోస్టు చేశాడు. ‘హాయ్‌..! ఐయామ్‌ ఆంటీ.. నాకు పెళ్లయింది ఒక కొడుకు ఉన్నాడు.. మా ఆయన వేస్ట్‌ ఫెలో. ఇంట్రెస్టు ఉన్నవారు కాల్‌ చేయండి’ అని మెసేజ్‌లు పోస్టు చేశాడు. దాంతో పోకిరీలు, ఆకతాయిలు రాత్రి, పగలు ఆమెను వేధింపులకు గురిచేస్తున్నారు. దాంతో బాధితురాలు రాచకొండ సైబర్‌ క్రైం పోలీసులను ఆశ్రయించింది. టెక్నికల్‌ ఎవిడెన్స్‌ ఆధారంగా నిందితుడి ఆటకట్టించి కటకటాల్లోకి నెట్టారు.

Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.