Karthikeya-2: ఓవర్సీస్‌లో దూసుకుపోతున్న ‘కార్తికేయ-2’! ఇప్పటివరకూ ఎంత రాబట్టిందంటే..

Published: Thu, 18 Aug 2022 20:11:32 ISTfb-iconwhatsapp-icontwitter-icon
Karthikeya-2: ఓవర్సీస్‌లో దూసుకుపోతున్న కార్తికేయ-2! ఇప్పటివరకూ ఎంత రాబట్టిందంటే..

ఎన్నారై డెస్క్: నిఖిల్ సిద్ధార్థ హీరోగా నటించిన కార్తికేయ-2(Karthikeya-2) మూవీ ఓవర్సీస్ కలెక్షన్లు దుమ్మురేపుతున్నాయి. విదేశాల్లో ఈ సినిమా కలెక్షన్స్ మిలియన్ డాలర్ల మార్కుకు చేరువవుతున్నాయి. పరిమిత బడ్జెట్‌తో రూపొందించిన ఓ సినిమా ఈ స్థాయి కలెక్షన్లు రాబట్టడం ట్రేడ్ పండితులనూ ఆశ్చర్యపరుస్తోంది. కేవలం రూ.30 కోట్ల బడ్జెట్‌తో నిర్మించిన ‘కార్తికేయ-2’ ఎటువంటి ప్రచార ఆర్భాటాలు లేకుండా విదేశీ ప్రేక్షకుల ముందుకొచ్చింది. కేవలం మౌత్ పబ్లిసిటీ ఆధారంగా అనూహ్య విజయాన్ని సొంతం చేసుకుంది. అంచనాలకు మించి కలెక్షన్లు రాబడుతూ డిస్ట్రిబ్యూటర్స్‌కు లాభాలు తెచ్చిపెడుతోంది.


‘కార్తికేయ-2’తో హీరో నిఖిల్‌ సిద్ధార్థ(Nikhil Siddharth).. తన కెరీర్‌లో అతి పెద్ద విజయాన్ని అందుకున్నారు. ఓవర్సీస్ కలెక్షన్ల(Overseas collections) వివరాలను ఆయన స్వయంగా ట్విటర్‌లో షేర్ చేశారు. గ్లోబల్ మార్కెట్లో ఇప్పటివరకూ ఈ సినిమా 7 లక్షల డాలర్లు రాబట్టిందని చెప్పారు. సినిమాను ఇంతగా ఆదరిస్తున్న అభిమానులకు ఆయన ధన్యవాదాలు తెలిపారు. ఈ సినిమా గురించి తెలియని వారందరికీ తెలియజెప్పాలని, సమీప థియేటర్లలో వీక్షించాలని విదేశాల్లోని వారిని ఆయన కోరారు. 

ఇటీవల కాలంలో దక్షిణాది సినిమాలు బాలీవుడ్‌లో అనూహ్య విజయాలు సొంతం చేసుకుంటున్న విషయం తెలిసిందే. ఈ ఒరవడిని కార్తికేయ-2 కూడా కొనసాగిస్తోంది. హిందీ ప్రాంతాల్లో తొలుత కేవలం 70 థియేటర్లలో ఈ సినిమా విడుదలైంది. కానీ.. ప్రేక్షకులు ఈ సినిమాను బంపర్ హిట్ చేయడంతో ప్రస్తుతం 1500కు పైగా థియేటర్లలో ప్రదర్శితమవుతోంది. ఈ క్రమంలో ఆమిర్ ఖాన్ నటించిన ‘లాల్ సింగ్ ఛద్ధా’(Lal singh chadda) కలెక్షన్లను కూడా దాటిపోయింది. ఆల్ ఇండియా స్థాయిలో మంగళవారం రూ.3.5 కోట్ల వసూళ్లు రాబట్టింది.


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ఓవర్సీస్ సినిమాLatest News in Teluguమరిన్ని...

ఓపెన్ హార్ట్Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.