ముఖ్యమంత్రి ఇంట్లోకి దూరిన పాము.. రెండ్రోజులుగా టెన్షన్.. చివరకు పట్టేశారు..!

Jul 31 2021 @ 16:03PM

ఉత్తరాఖండ్ ముఖ్యమంత్రి పుష్కర్ సింగ్ ధామి ఇంట్లోకి దూరిన విష సర్పం రెండ్రోజులు అక్కడే మకాం వేసింది.. ఎంత మంది వెతుకుతున్నా దొరక్కుండా తప్పించుకుంది.. రెండ్రోజుల పాటు అధికారులందరినీ టెన్షన్ పెట్టింది.. చివరకు అటవీ సిబ్బంది చేతికి చిక్కి అందరికీ ఉపశమనం కలిగించింది.. ఉత్తరాఖండ్ సీఎం అసెంబ్లీ నియోజవర్గం ఖటిమాలో ఈ ఘటన జరిగింది. 


ఉత్తరాఖండ్ సీఎం ధామి తన కుటుంబంతో కలిసి డెహ్రాడూన్‌లోని అధికారిక నివాసంలో ఉంటున్నారు. అప్పుడప్పుడు తన నియోజకవర్గం ఖటిమాలో ఉన్న ఇంటికి వస్తుంటారు. తాజాగా ఆ బంగళాలోకి ఓ విషసర్పం దూరింది. దీంతో అధికారుల్లో టెన్షన్ మొదలైంది. ఎవరికీ రెండ్రోజులూ నిద్రలేదు. రెండ్రోజుల పాటు ఆ బంగళాలలో అణువణువూ గాలించిన తర్వాత ఆ పాము చిక్కింది. దీంతో అటవీ సిబ్బంది ఆ పామును తీసుకెళ్లి అడవిలో వదిలేశారు. ఈ ఘటన రాష్ట్రవ్యాప్తంగా చర్చనీయాంశంగా మారింది.  

Follow Us on:

ప్రత్యేకంమరిన్ని...