రద్దీగా ఉన్న బస్టాండ్.. గుక్కపెట్టి ఏడుస్తున్న పసిపాప.. ఏమైందా అని అక్కడ వెళ్లిన ప్రయాణికులు.. కనిపించిన సీన్ చూసి..

ఇంటర్నెట్ డెస్క్: అప్పుడప్పుడే బస్సులు ఆ బస్టాండ్‌కు చేరుకుంటున్నాయి. దీంతో ఆ ప్రాంతం అంతా ప్రయాణికులతో రద్దీగా ఉంది. ఇంతలో చిన్నపిల్లల ఏడుపు శబ్దం రావడం మొదలైంది. అయితే మొదట ప్రయాణికులు దాన్ని లైట్ తీసుకున్నారు. కానీ.. సమయం గడుస్తున్నా.. ఆ పసిపాప ఏడుపు చప్పుడు వినిపిస్తుండటంతో.. ప్రయాణికులకు సందేహం కలిగింది. దీంతో ఏడుపు శబ్దం వచ్చే వైపు వెళ్లారు. అనంతరం అక్కడ సీన్ చూసి ఒక్కసారిగా షాకయ్యారు. దీనికి సంబంధించిన పూర్తి వివరాల్లోకి వెళితే..

ఉదయం 6 అవుతుండటంతో హిమాచల్ ప్రదేశ్‌లోని చంబా జిల్లాలో ఉన్న బస్టాండ్‌కు బస్సులు అప్పుడప్పుడే వస్తున్నాయి. దీంతో ప్రయాణికులతో ఆ బస్టాండ్ అంతా కలకలలాడుతోంది. ఇంతలో ప్రయాణికులకు నవజాత శిశువు ఏడుపు చప్పుడు వినిపించింది. ఎవరి బిజీలో వాళ్లు ఉన్నందువల్ల మొదటగా ఆ ఏడుపును ఎవరూ పెద్దగా పట్టించుకోలేదు. కానీ.. సమయం గడుస్తున్నా ఆ ఏడుపు చప్పుడు అలాగే వినిపించడంతో.. ప్రయాణికులకు సందేహం కలిగింది. దీంతో శబ్దం వచ్చే వైపు వెళ్లారు. అనంతరం ఎముకలు కొరికే చలిలో.. ఓ ప్లాస్టిక్ టబ్‌లో అప్పుడే పుట్టిన పాపను చూసి చలించిపోయారు. ఆ నవజాత శిశువుకు సంబంధించిన వాళ్లు ఎవరూ అక్కడ కనిపించకపోవడంతో.. పోలీసులకు ఫోన్ చేశారు. దీంతో అక్కడకు చేరుకున్న పోలీసులు.. ఆ పాపను స్థానికంగా ఉన్న ఆసుపత్రికి తరలించారు. అంతేకాకుండా.. కేసు నమోదు చేసుకుని దర్యాప్తు ప్రారంభించారు.