Gujarat: సర్దార్ పటేల్ స్టేడియం పేరు మార్చినందుకు ఆదివారం పాటిదార్ల నిరసన

Published: Sat, 11 Jun 2022 17:43:42 ISTfb-iconwhatsapp-icontwitter-icon
Gujarat: సర్దార్ పటేల్ స్టేడియం పేరు మార్చినందుకు ఆదివారం పాటిదార్ల నిరసన

గాంధీ నగర్ : సర్దార్ పటేల్ స్టేడియం (మొతెరా క్రికెట్ స్టేడియం)కు ప్రధాన మంత్రి నరేంద్ర మోదీ పేరు పెట్టడంపై పాటిదార్లు ఆగ్రహం వ్యక్తం చేస్తున్నారు. ఈ స్టేడియానికి తిరిగి సర్దార్ పటేల్ పేరునే పెట్టాలని డిమాండ్ చేస్తున్నారు. మోదీని గౌరవిస్తామని, అయితే ఈ స్టేడియంకు గతంలో ఉన్న పేరును మార్చకూడదని చెప్తున్నారు. ఇదే డిమాండ్‌తో ఆదివారం నిరసన కార్యక్రమాన్ని నిర్వహించబోతున్నారు. 


ప్రపంచంలోని అతి పెద్ద స్టేడియంలలో ఈ స్టేడియం ఒకటి. ఈ స్టేడియం పేరు మార్చాలని పాటిదార్లు ఓ సమితిని ఏర్పాటు చేశారు. సర్దార్ సన్మాన్ సంకల్ప్ ఆందోళన్ సమితి పేరుతో వివిధ సంఘాలు ఏకతాటిపైకి వచ్చాయి. 2015లో పాటిదార్ రిజర్వేషన్ల కోసం ఆందోళన కార్యక్రమాలను నిర్వహించిన పాటిదార్ అనామత్ ఆందోళన్ సమితి కూడా దీనికి మద్దతు పలుకుతోంది. 


ఈ సంఘాలన్నీ కలిసి ఆదివారం బర్డోలీ సూరత్‌లోని స్వరాజ్ ఆశ్రమం నుంచి ప్రదర్శనను ప్రారంభిస్తాయి. సోమవారం సాయంత్రం ఈ స్టేడియం గేట్ నెం.1 వద్ద పెద్ద ఎత్తున నిరసన ప్రదర్శనను నిర్వహిస్తాయి. 


ఈ గ్రూప్ కన్వీనర్ అతుల్ పటేల్ మీడియాతో మాట్లాడుతూ, ప్రభుత్వం ఈ స్టేడియం పేరును మార్చకపోతే తాము తమ నిరసనలను తీవ్రం చేస్తామన్నారు. ఎన్నికల సమయంలో సర్దార్ పటేల్ విగ్రహాన్ని నిర్మించారని, ఎన్నికలు పూర్తయిన తర్వాత స్టేడియం పేరును మార్చేశారని అన్నారు. సర్దార్ వల్లభ్ భాయ్ పటేల్ పేరును దుర్వినియోగం చేయడానికి ఈ ప్రభుత్వాన్ని అనుమతించబోమన్నారు. సర్దార్ పటేల్‌ను తిరిగి గౌరవించాలన్నారు. 


సర్దార్ పటేల్ స్టేడియంను అభివృద్ధిపరచిన తర్వాత దానికి ప్రధాన మంత్రి నరేంద్ర మోదీ పేరు పెట్టారు. ఈ విధంగా పేరు మార్చడాన్ని పాటిదార్లు వ్యతిరేకిస్తున్నారు. మరికొద్ది నెలల్లో గుజరాత్ శాసన సభ ఎన్నికలు జరగనుండటంతో పాటిదార్లు తమ డిమాండ్‌ను గట్టిగా వినిపిస్తున్నారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

జాతీయంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.