Selfie: ఏనుగులతో సెల్ఫీల కోసం కారు దిగిన యువకులు.. తర్వాత జరిగింది తెలిస్తే..

Published: Sun, 07 Aug 2022 17:53:41 ISTfb-iconwhatsapp-icontwitter-icon
Selfie: ఏనుగులతో సెల్ఫీల కోసం కారు దిగిన యువకులు.. తర్వాత జరిగింది తెలిస్తే..

న్యూఢిల్లీ: రోడ్డు దాటుతున్న ఏనుగుల మందతో సెల్ఫీ తీసుకోవడానికి ప్రయత్నించిన యువకుల వీడియో ఒకటి సామాజిక మాధ్యమాల్లో తెగ చక్కర్లు కొడుతోంది. వేగంగా వెళ్తున్న కారు రోడ్డు దాటుతున్న ఏనుగుల మందను చూసి ఆగింది. ఆ వెంటనే అందులోంచి కిందికి దిగిన యువకులు ఏనుగులతో సెల్ఫీలు తీసుకునేందుకు ప్రయత్నించారు.


ఐఏఎస్ అధికారి సుప్రియా సాహు ట్విట్టర్‌లో పంచుకున్న ఈ వీడియో నెటిజన్లను షాక్‌కు గురిచేస్తోంది. కారును రోడ్డు మధ్యలో ఆపిన యువకులు ఏనుగులను ఫొటోలు తీశారు. ఇద్దరు యువకులు మాత్రం ఏనుగులకు మరింత దగ్గరగా వెళ్లి సెల్ఫీలు తీసుకోవడం మొదలుపెట్టాడు. రోడ్డు దాటబోతున్న ఏనుగులు యువకులను గమనించి ఒక్క క్షణం ఆగాయి. ఆ వెంటనే పరుగులు పెడుతూ యువకులపైకి దూసుకొచ్చాయి. అంతే.. యువకులు భయంతో కారువైపు పరుగులు తీయడం మొదలుపెట్టారు.


ఈ వీడియోను షేర్ చేసిన సుప్రియా సాహు.. వన్యప్రాణులతో సెల్ఫీ క్రేజీ చాలా ప్రమాదకరం. ఈ యువకులు చాలా అదృష్టవంతులు. ఈ ఏనుగులు వారి చర్యను క్షమించి వదిలేశాయి. లేదంటే, వారికి గుణపాఠం చెప్పడానికి వాటికి ఎంతో సమయం పట్టేది కాదు’’ అని రాసుకొచ్చారు. ఇప్పటికే ఈ వీడియోను దాదాపు 65 వేల మంది చూశారు. నెటిజన్లు కామెంట్లతో హోరెత్తిస్తున్నారు. యువకుల తీరుపై మండిపడుతున్నారు. వారిపై చర్యలు తీసుకోవాలని డిమాండ్ చేస్తున్నారు. మరికొందరు మాత్రం ఇలాంటి ఘటనలు జరగకుండా యానిమల్ కారిడార్లు ఏర్పాటు చేయాలని అటవీశాఖను కోరుతున్నారు. 



Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.