ఐదేళ్ల లోపు పిల్లలకు Pfizer 3 Covid shots రక్షణ

వాషింగ్టన్ : కొవిడ్ మూడు షాట్లు 5 ఏళ్లలోపు వయసున్న పిల్లలకు కరోనా నుంచి రక్షణ కల్పిస్తాయని ఫైజర్ కంపెనీ ప్రకటించింది. తల్లిదండ్రులు తమ పిల్లలకు టీకాలు వేయడానికి నెలల తరబడి ఆత్రుతగా ఎదురుచూస్తున్న నేపథ్యంలో ఫైజర్ ఈ ప్రకటన విడుదల చేసింది.కొవిడ్-19 కేసులు మరోసారి పెరుగుతున్న దృష్ట్యా  ఫైజర్-బయోఎన్‌టెక్ కొవిడ్-19 బూస్టర్ వ్యాక్సిన్‌ని అందజేస్తున్నారు.ఫైజర్ కొవిడ్-19 వ్యాక్సిన్ యొక్క మూడు మోతాదులు 5 సంవత్సరాల కంటే తక్కువ వయస్సు ఉన్న పిల్లలకు బలమైన రక్షణను అందిస్తాయని కంపెనీ తెలిపింది. అమెరికాలో 5 ఏళ్లలోపు వయసున్న 18 మిలియన్ల మంది పిల్లలు మాత్రమే కొవిడ్-19 వ్యాక్సినేషన్‌కు అర్హత పొందలేదు.‘‘రాబోయే నెలల్లో తమ చిన్న పిల్లలకు వ్యాక్సిన్ వేయాలని ఎదురు చూస్తున్న తల్లిదండ్రులకు కొత్త ఫైజర్ టీకాలు సానుకూలంగా ఉంటాయి’’ అని జాన్స్ హాప్‌కిన్స్ బ్లూమ్‌బెర్గ్ స్కూల్ ఆఫ్ పబ్లిక్‌కు చెందిన డాక్టర్ విలియం మోస్ చెప్పారు.