డాక్టర్‌ను హత్తుకున్న 75 ఏళ్ల బామ్మ.. ఫొటో వైరల్!
ABN , First Publish Date - 2021-05-07T21:54:01+05:30 IST
ప్రస్తుతం దేశాన్ని కరోనా అతలాతకుతలం చేస్తున్న వేళ వైద్య సిబ్బంది ప్రాణాలకు తెగించి పోరాటం చేస్తున్నారు.
ప్రస్తుతం దేశాన్ని కరోనా అతలాకుతలం చేస్తున్న వేళ వైద్య సిబ్బంది ప్రాణాలకు తెగించి పోరాటం చేస్తున్నారు. ఎంతో మందికి చికిత్స చేసి కోలుకునేలా చేస్తున్నారు. ఈ నేపథ్యంలో కోవిడ్ నుంచి కోలుకున్న బెంగాల్‌కు చెందిన ఓ 75 ఏళ్ల బామ్మ పీపీఈ కిట్‌లో ఉన్న డాక్టర్‌ను హత్తుకుని తన కృతజ్ఞతను తెలియజేసింది. ఆ ఫొటో సోషల్ మీడియాలో వైరల్‌గా మారింది.
`పది రోజులు కోవిడ్‌తో యుద్ధం చేసిన 75 ఏళ్ల మహిళ ఎట్టకేలకు కోలుకుంది. ఇంటికి వెళుతున్న సమయంలో తనకు వైద్యం చేసిన డాక్టర్‌ను మనస్ఫూర్తిగా గుండెలకు హత్తుకుంది. అతడిని మనసారా దీవించింద`ని ఓ వ్యక్తి ఫేస్‌బుక్‌లో పోస్ట్ చేశాడు. ఎన్నో మాటలు చెప్పలేని విషయాలను ఈ ఫొటో చెబుతోందని పేర్కొన్నాడు.
