బాత్రూమ్‌లో మరమ్మతు పనులు చేస్తున్న ప్లంబర్.. గోడలో ఏదో ఉన్నట్లు అనుమానం.. తీరా బద్దలు కొట్టి చూడగా..

Published: Fri, 17 Dec 2021 20:16:42 ISTfb-iconwhatsapp-icontwitter-icon
బాత్రూమ్‌లో మరమ్మతు పనులు చేస్తున్న ప్లంబర్.. గోడలో ఏదో ఉన్నట్లు అనుమానం.. తీరా బద్దలు కొట్టి చూడగా..

ఎన్నారై డెస్క్: వెతక్కబోయే తీగ.. కాలికి తగిలినట్లు... కొన్నిసార్లు చాలామంది ఎలాంటి కష్టం లేకుండా.. కోటీశ్వరులు  అయిపోతుంటారు. మరికొందరు కోటీశ్వరులు.. దురదృష్టం కొద్దీ చూస్తుండగానే కటిక పేదవారు అయిపోతుంటారు. అమెరికాలో ఓ ప్లంబర్‌ను అదృష్టం వరించింది. బాత్రూమ్‌లో మరమ్మతు పనుల్లో ఉన్న అతడికి గోడలో ఏదో ఉన్నట్లు అనుమానం కలిగింది. అనంతరం బద్దలు కొట్టి చూసి షాక్ అయ్యాడు...


అమెరికా టెక్సాస్‌కు చెందిన జస్టిన్ కౌలీ అనే ప్లంబర్ వృత్తిరీత్యా ప్లంబర్. స్థానికంగా ఉండే ఓ చర్చి బాత్రూమ్‌లో మరమ్మతు పనులు ఉంటే వెళ్లాడు. అక్కడ పనులు చేస్తున్న క్రమంలో ప్లాస్టర్ ఆప్ ప్యారిస్‌తో కూడిన గోడలో ఏదో ఉన్నట్లు అతడికి అనుమానం కలిగింది. తర్వాత గోడను బద్దలుకొట్టి చూసి షాక్ అయ్యాడు. ఆ గోడలో రూ.4.5కోట్లు బయటపడ్డాయి. అయితే ఆ డబ్బులను పోలీసుకు అప్పగించి తన నిజాయితీని నిరూపించుకున్నాడు.


2014లో చర్చి నుంచి నగదు చోరీ అయిందని తర్వాత తెలిసింది. అప్పట్లో నగదు రికవరీ కోసం దర్యాప్తు సంస్థలు రూ.3 లక్షల రివార్డును కూడా ప్రకటించాయట. అప్పటి నుంచీ నగదు ఆచూకీ లభించలేదు. ఎట్టకేలకు ప్లంబర్ ద్వారా నగదు బయటపడడంతో చర్చి నిర్వాహకులు సంతోషం వ్యక్తం చేశారు. ప్లంబర్ నిజాయితీని మెచ్చుకున్న వారు.. అతడికి రూ.15 లక్షలను బహుమతిగా అందించారు.


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

అమెరికా నగరాల్లోLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.