గుడివాడ కాసినో వ్యవహారంపై పోలీస్ విచారణ
ABN , First Publish Date - 2022-01-20T23:34:20+05:30 IST
రాష్ట్రవ్యాప్తంగా సంచలనం సృష్టించిన గుడివాడ కాసినో వ్యవహారంపై
కృష్ణా: రాష్ట్రవ్యాప్తంగా సంచలనం సృష్టించిన గుడివాడ కాసినో వ్యవహారంపై పోలీస్ విచారణ ప్రారంభమైంది. సంక్రాంతి పండుగ రోజుల్లో కాసినో, చీర్ గర్ల్స్ డ్యాన్స్లు నిర్వహణపై టీడీపీ నాయకులతో పాటు పలువురు జిల్లా ఎస్పీకి ఫిర్యాదు చేశారు. దీంతో ఈ ఘటనపై నూజివీడు డీఎస్పీ శ్రీనివాస్ విచారణ చేపట్టారు. శిబిరం నిర్వాహకుల నుంచి స్టేట్ మెంట్ను పోలీసులు రికార్డు చేస్తున్నారు. వివిధ చానెల్స్, సోషల్ మీడియాలో వచ్చిన కాసినో, చీర్ గర్ల్స్ డ్యాన్స్ల వీడియోలను పోలీసులు పరిశీలిస్తున్నారు. స్థానికంగా ఆ రోజున అక్కడ విధుల్లో ఉన్న పోలీసుల నుంచి డీఎస్పీ వివరాలు సేకరించనున్నారు. మరో రెండు రోజులపాటు పోలీసులు విచారణ జరపనున్నారు. ఎస్పీకి డీఎస్పీ శ్రీనివాస్ ఆదివారం నివేదిక ఇవ్వనున్నారు.