టీకాలు కరోనాను మాయం చేసే మాయా సాధనాలు కావు: పోప్ ఫ్రాన్సిస్

Published: Mon, 10 Jan 2022 20:42:46 ISTfb-iconwhatsapp-icontwitter-icon
 టీకాలు కరోనాను మాయం చేసే మాయా సాధనాలు కావు: పోప్ ఫ్రాన్సిస్

వాటికన్ సిటీ: కరోనా వ్యాక్సినేషన్‌ను వేగవంతం చేయాలని పోప్ ఫ్రాన్సిస్ అంతర్జాతీయ సమాజాన్ని కోరారు. అలాగే, టీకాలు తీసుకునేందుకు ప్రజలు భయపడేలా చేస్తున్న ‘నిరాధార సమాచారం’పై పోరాడేందుకు ‘రియాలిటీ థెరపీ’ అవసరమని అభిప్రాయపడ్డారు. టీకా వేసుకోవడాన్ని ‘ప్రేమ పూరిత చర్య’గా గతంలో అభివర్ణించిన పోప్.. ప్రపంచంలోని ప్రతి ఒక్కరికీ టీకాలు అందుబాటులో ఉండేలా చూడాలని ప్రభుత్వాలను కోరారు.


వాటికన్ సిటీ దౌత్య దళ సిబ్బందితో మాట్లాడుతూ..  కరోనా మహమ్మారి ఒక విధమైన ‘రియాలిటీ థెరపీ’ని అవలంబించమని మనల్ని ప్రోత్సహిస్తోందని, అది సమస్యను ఎదుర్కొనేలా చేస్తోందని అన్నారు. దాని పరిష్కారం కోసం అవసరమైన నివారణలను అందిపుచ్చుకునేలా చేస్తోందని వివరించారు.


టీకాలు అనేవి వ్యాధిని నయం చేసే మాయా సాధనాలు కావని, అయితే అవి వ్యాధి నివారణకు అత్యంత సహేతుకమైన పరిష్కారమని పోప్ అన్నారు. అయితే, టీకాల విషయంలో ప్రపంచంలోని ప్రతి ఒక్కరికీ సమాన ప్రాప్యత కలిగి ఉండాలన్న ప్రణాళిక ప్రస్తుతం భ్రమగానే మిగిలిపోయిందని పోప్ ఫ్రాన్సిస్ ఆవేదన వ్యక్తం చేశారు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.