చేనేత నాయకుడు ప్రగడ కోటయ్య జయంతి వేడుకలు

Jul 26 2021 @ 21:57PM
ప్రగడ కోటయ్య చిత్రపటానికి పూలమాల వేసి నివాళులు అర్పిస్తున్న చేనేత నాయకులు

 పొదలకూరు, జూలై 26 : పట్టణంలోని జాతీయ చేనేత ఐక్యవేదిక, ఆంధ్రప్రదేశ్‌ వీవర్‌ ఎంప్లాయీస్‌ అండ్‌ ప్రొపెషనల్‌ వెల్ఫేర్‌ అసోసియేషన్‌ల ఆధ్వర్యంలో ప్రగడ కోటయ్య జయంతి వేడుకలు సోమవారం ఘనంగా నిర్వహించారు. స్థానిక సినిమా హాల్‌ సెంటర్‌ వద్ద ఆయన చిత్రపటానికి పూలమాల వేసి నివాళులు అర్పించారు. ఈ సందర్భంగా రాష్ట్ర దేవాంగ కార్పొరేషన్‌ డైరెక్టర్‌ కోనం బ్రహ్మయ్య, సర్వేపల్లి నియోజకవర్గ కన్వీనర్‌ పముజుల శంకరయ్య, జాతీయ చేనేత ఐక్యవేదిక జాతీయ కార్యవర్గ సభ్యులు చింతగింజల సుబ్రహ్మణ్యం, రాష్ట్ర కార్యవర్గ సభ్యుడు ఊకోటి లక్ష్మీనారాయణలు మాట్లాడుతూ ప్రగడ కోటయ్య  సర్కారు జిల్లాల్లో ప్రాథమిక చేనేత సహకార సంఘాలు ఏర్పాటు చేసేందుకు విశేషంగా కృషి చేశారన్నారు. ఈ కార్యక్రమంలో మండల అధ్యక్షుడు సోమ భాస్కర్‌, కార్యదర్శి చొప్ప వెంకటేశ్వర్లు, ఉప కార్యదర్శి బత్తురి మురళీ, కాసా శ్రీనివాసులు, మధిర శ్రీనివాసులు, చింతగింజల విజయ్‌, మాడ రాధాకృష్ణ, మధిర సుబ్బారావు, తదితరులు పాల్గొన్నారు. 


Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.