అమెరికా అధ్యక్షుడికి వ్యతిరేకంగా కిండర్ గార్డెన్ స్కూల్ పిల్లల నినాదాలు..!

ABN , First Publish Date - 2022-03-22T22:05:50+05:30 IST

అమెరికా అధ్యక్షుడు జో బైడెన్ పదవి నుంచి దిగిపోవాలంటూ కొందరు కిండర్‌గార్టెన్ తరగతి పిల్లలు నినాదాలు చేస్తున్న వీడియో ప్రస్తుతం సోషల్ మీడియాలో వైరల్ అవుతోంది.

అమెరికా అధ్యక్షుడికి వ్యతిరేకంగా కిండర్ గార్డెన్ స్కూల్ పిల్లల నినాదాలు..!

కాలిఫోర్నియా:  అమెరికా అధ్యక్షుడు జో బైడెన్ పదవి నుంచి దిగిపోవాలంటూ కొందరు కిండర్‌గార్టెన్ తరగతి పిల్లలు నినాదాలు చేస్తున్న వీడియో ప్రస్తుతం సోషల్ మీడియాలో వైరల్ అవుతోంది. ఈ ‘నిరసన’ కార్యక్రమాన్ని ఓ టీచర్ ముందుండి నడిపించినట్టు తెలుస్తోంది. బైడెన్ ఏం చేయాలి అని టీచర్ ప్రశ్నిస్తే.. వెంటనే పదవి నుంచి దిగిపోవాలి.. అని పిల్లలు నినాదాలు చేసినట్టు ఆ వీడియోలో ఉంది. కాలిఫోర్నియాలోని ఓ స్కూల్‌లో ఇటీవల ఈ ఘటన జరిగినట్టు తెలుస్తోంది. 


కాగా.. విషయం వైరల్ అవడంతో స్కూల్ యాజమాన్యం తల్లిదండ్రులకు క్షమాపణలు చెప్పింది. అమెరికా అధ్యక్ష స్థానాన్ని గౌరవించడమే తమ విధానమని స్పష్టం చేసింది. అయితే.. ఈ ఘటనకు బాధ్యురాలైన టీచర్‌పై చర్యలు ఏమైనా తీసుకున్నారా లేదా అనే విషయాన్ని మాత్రం వెల్లడించలేదు. అయితే.. పిల్లల తల్లిదండ్రులు మాత్రం ఈ ఘటన పట్ల అగ్గిమీద గుగ్గిలమవుతున్నారు. పెద్ద ఎత్తున నిరసన తెలుపుతున్నారు. తమ చిన్నారులను మరో స్కూల్‌లో చేర్పించామని కూడా కొందరు తల్లిదండ్రులు స్థానిక మీడియాకు తెలిపారు. 



Updated Date - 2022-03-22T22:05:50+05:30 IST