విద్యుత్ సమస్యలా?
ABN , First Publish Date - 2021-11-30T04:54:43+05:30 IST
విద్యుత్ సమస్యలపై వినియోగదారులు వాట్సాప్ ద్వారా ఫిర్యాదు చేసేందుకు ప్రత్యేకమైన నంబరు 8500001912ను ఈపీడీసీఎల్ అధికారులు కేటాయించారు. దీనిని సీఎండీ సంతోషరావు సోమవారం అందుబాటులోకి తీసుకువచ్చారు.
ఫిర్యాదుకు వాట్సాప్ నంబరు 8500001912 కేటాయింపు
విశాఖపట్నం, నవంబరు 29(ఆంధ్రజ్యోతి): విద్యుత్ సమస్యలపై వినియోగదారులు వాట్సాప్ ద్వారా ఫిర్యాదు చేసేందుకు ప్రత్యేకమైన నంబరు 8500001912ను ఈపీడీసీఎల్ అధికారులు కేటాయించారు. దీనిని సీఎండీ సంతోషరావు సోమవారం అందుబాటులోకి తీసుకువచ్చారు. ఈ సందర్భంగా ఆయన మాట్లాడుతూ విద్యుత్ సరఫరాలో అంతరాయాలు, విద్యుత్ బిల్లు బకాయి, బిల్లు చెల్లింపు, నెలవారీ అంచనా బిల్లు, బిల్లు కాపీ వంటివి పొందవచ్చునని, ఫిర్యాదులు కూడా చేయవచ్చునని వివరించారు. ఇది ఆటోమేటెడ్ చాటింగ్ విధానంలో పనిచేస్తుందని, హాయ్, హలో, స్టార్ట్ అనే వాటిలో ఏదో ఒక పదం టైప్ చేస్తే ఏ సేవలు కావాలో ఆప్షన్లు చూపిస్తుందన్నారు. ఈపీడీసీఎల్ మొబైల్ యాప్, టోల్ ఫ్రీ నంబరు 1912 ద్వారా కూడా సేవలు పొందవచ్చునన్నారు. కార్యక్రమంలో సంస్థ డైరెక్టర్లు కె.రాజబాపయ్య, బి.రమేశ్ప్రసాద్, డి.చంద్రం, సీజీఎం(ఐటీ) సి.శ్రీనివాసమూర్తి తదితరులు పాల్గొన్నారు.