LIVE..: పీఎస్ఎల్వీ-సీ51 ప్రయోగం
ABN , First Publish Date - 2021-02-28T15:49:44+05:30 IST
ఈ ఏడాది తొలి రాకెట్ ప్రయోగానికి ఇస్రో సిద్ధమైంది.
శ్రీహరికోట: ఈ ఏడాది తొలి రాకెట్ ప్రయోగానికి ఇస్రో సిద్ధమైంది. పొట్టి శ్రీరాములు నెల్లూరు జిల్లా శ్రీహరికోటలోని షార్ కేంద్రంలో ఉన్న ప్రథమ ప్రయోగ వేదిక నుంచి పీఎస్ఎల్వీ-సీ51ని ప్రయోగించేందుకు శాస్త్రవేత్తలు ఏర్పాట్లు పూర్తిచేశారు. ఈ ప్రయోగం కోసం శనివారం ఉదయం 8.54 గంటలకు కౌంట్డౌన్ ప్రారంభమైంది. 25.30 గంటల అనంతరం అంటే ఆదివారం ఉదయం 10.24కు కౌంట్డౌన్ జీరోకు చేరుకోగానే 19 ఉపగ్రహాలతో ఈ రాకెట్ రోదసిలోకి దూసుకుపోనుంది. ప్రయోగానంతరం పీఎస్ఎల్వీ-సీ51 రాకెట్ 1.55 గంటలపాటు రోదసిలో పయనించనుంది. బయలుదేరిన 17.23 నిమిషాలకు బ్రెజిల్కు చెందిన 637 కిలోల అమెజోనియ-1 ఉపగ్రహాన్ని సూర్యానువర్తన ధృవకక్ష్య(సన్ సింక్రనైజ్ పోలార్ ఆర్బిట్)లోకి చేరవేయనుంది. అనంతరం నాలుగు నిమిషాలలో మిగిలిన 18 బుల్లి ఉపగ్రహాలను కక్ష్యల్లో వదిలిపెట్టనుంది. ప్రయోగ ప్రత్యక్ష ప్రసారాన్ని ఆదివారం ఉదయం 9.50 నుంచి దూరదర్శన్, ఇస్రో వెబ్సైట్లలో ప్రత్యక్ష ప్రసారం చేయనున్నారు. ఏబీఎన్ ఆంధ్రజ్యోతి లైవ్..