ltrScrptTheme3

అద్దె డబ్బులు అడ్వాన్స్‌ ఇస్తానని.. QR Code పంపమన్నారు.. స్కాన్ చేస్తే..!

Aug 8 2021 @ 09:22AM

హైదరాబాద్ సిటీ/రాజేంద్రనగర్‌ : అద్దె డబ్బులు అడ్వాన్స్‌గా ఇస్తానని నమ్మించి ఉన్న డబ్బులు దోచేసిన ఘటన రాజేంద్రనగర్‌ పోలీస్‌ స్టేషన్‌ పరిధిలో జరిగింది. ఉత్తరప్రదేశ్‌కు చెందిన సబిన్‌ మహరాజ్‌ వింగ్‌ కమాండర్‌గా రిటైర్డ్‌ అయ్యాడు. ప్రస్తుతం రాజేంద్రనగర్‌లో ఉంటున్నాడు. ఉత్తరప్రదేశ్‌లో ఉన్న తమఇంటిని అద్దెకు ఇవ్వాలని నిర్ణయించాడు. విషయం తెలుసుకున్న గుర్తుతెలియని వ్యక్తి ఇల్లును అద్దెకు తీసుకుంటానని ఫోన్‌ చేశాడు. అడ్వాన్స్‌గా అద్దె డబ్బులు చెల్లిస్తానని చెప్పి క్యూఆర్‌ కోడ్‌ పంపాడు. దాన్ని స్కాన్‌ చేస్తే డబ్బులు వస్తాయని చెప్పాడు. ఆ తర్వాత బాధితుడి ఖాతాలోంచి రూ. 35వేలు కట్‌ అయ్యాయి. టెక్నికల్‌ ఎర్రర్‌ వల్ల జరిగిందని చెప్పి, మరో క్యూఆర్‌ కోడ్‌ పంపాడు. ఈ సారి కూడా మరో రూ. 35వేలు కట్‌ అయ్యాయి. మోసపోయానని గుర్తించిన బాధితుడు రాజేంద్రనగర్‌ సైబర్‌ సెల్‌లో ఫిర్యాదు చేశాడు. పోలీసులు దర్యాప్తు చేస్తున్నారు. 

Follow Us on:

బీ కేర్ఫుల్మరిన్ని...

అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.