Advertisement

గూడూరులో కుండపోత వర్షం

Dec 3 2020 @ 22:14PM
తాత్కాలిక కూరగాయల మార్కెట్‌లో నిలిచిన నీరు

గూడూరు, డిసెంబరు 3: పట్టణంలో గురువారం వేకువ నుంచి కుండపోత వర్షం కురిసింది. ఇప్పటికే నివర్‌ తుఫాన్‌ ప్రభావంతో వాగులు, చెరువులు నిండిపోయాయి. బురేవి తుఫాన్‌ ప్రభావంతో కుండపోతగా వర్షం కురవడంతో పలు చెరువుల కలుజులు పొర్లుతున్నాయి. తాత్కాలిక కూరగాయల మార్కెట్‌లో నీరు నిలవడంతో వ్యాపారులు, కొనుగోలుదారులు అవస్థలు పడ్డారు. పలు రోడ్లు జలమయమయ్యాయి.

చిల్లకూరు: మండలంలో గురువారం మధ్యాహ్నం జడివాన కురిసింది. వేకువ నుంచే విడతల విడతలుగా చిన్నపాటి వర్షం కురిసింది. మధ్యాహ్నం కురిసిన జడివానకు పలు వీధులు, రోడ్లుపై నీరు  ప్రవహించింది. చిల్లకూరు దళితవాడ సమీపంలోని ప్రధాన రహదారిపై మోకాటి లోతున నీరు ప్రవహించింది. దీంతో వాహనదారులు ఇబ్బందులు పడ్డారు.

వెంకటగిరి(టౌన్‌): తుఫాను కారణంగా పట్టణంలో గురువారం ఓ మోస్తరు వర్షం కురిసింది.  దీంతో రోడ్లన్నీ జలమయమయ్యాయి. దీంతో ప్రజలు తీవ్ర ఇబ్బందులు ఎదుర్కొన్నారు. 


Follow Us on:
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.