కురిసింది వాన..
ABN , First Publish Date - 2022-06-28T05:52:44+05:30 IST
కురిసింది వాన..
జిల్లావ్యాప్తంగా భారీ వర్షాలు
రైతుల్లో ఉత్సాహం.. రోడ్లన్నీ జలమయం
మచిలీపట్నం టౌన్, జూన్ 27 : జిల్లాలోని పలు ప్రాంతాల్లో శనివారం రాత్రి, ఆదివారం ఉదయం భారీ వర్షం కురిసింది. చల్లపల్లి మండలంలో 69 మిల్లీమీటర్ల అధిక వర్షపాతం నమోదైంది. మచిలీపట్నంలో 26 మిల్లీమీటర్లు కాగా, జిల్లా మొత్తంమీద 627 మిల్లీమీటర్లుగా వాతావరణ శాఖ అధికారులు తెలిపారు. కాగా, ఈ వర్షానికి రైతుల్లో ఉత్సాహం వెల్లివిరిసింది. బందరు, గూడూరు, మొవ్వ మండలాల్లోని వివిధ గ్రామాల్లో రైతులు దుక్కి దున్నే కార్యక్రమాన్ని ప్రారంభించారు. కాగా, కపిలేశ్వరపురం పంచాయతీ కార్యాలయం ఎదుట మంటాడ, లంకపల్లి ఆర్అండ్బీ రోడ్డు చెరువులా మారిపోయింది. వాహనదారులు అనేక ఇబ్బందులు పడ్డారు.