రామన్న కతువకు భారీగా వరద
ABN , First Publish Date - 2021-07-25T06:07:48+05:30 IST
మండలంలోని చినగానిపల్లె గ్రామసమీపాన రామన్నకతువకు భారీగా వరద నీరు వచ్చి చేరుతున్నది.
రాచర్ల, జూలై 24 : మండలంలోని చినగానిపల్లె గ్రామసమీపాన రామన్నకతువకు భారీగా వరద నీరు వచ్చి చేరుతున్నది. గత రెండు రోజులుగా నల్లమల అటవీ ప్రాంతంలో కురుస్తున్న భారీ వర్షాల కారణంగా ఆ నీరంతా నెమలిగుండ్ల రంగనాయక స్వామి ఆలయ సమీపంలోని నెమలిగుండంలోకి దూకి అక్కడి నుంచి రామన్నకతువకు నీరు చేరుతున్నది. రెండు రోజులుగా వస్తున్న వరద ప్రభావంతో రామన్నకతువ కూడా నిండి నీరు ప్రవహిస్తూ చోళ్లవీడు గ్రామంలోని గుండ్లకమ్మ మీదుగా కంభం చెరువుకు చేరుతున్నది.
