ఇటాలియన్ లగ్జరీ లైఫ్స్టైల్ బ్రాండ్ Tod'sతో జతకట్టిన Reliance Brands Limited
ABN , First Publish Date - 2022-05-10T00:59:19+05:30 IST
ఇటాలియన్ లగ్జరీ లైఫ్స్టైల్ టోడ్స్ (Tod's)ను భారతీయ మార్కెట్లో రిటైల్ చేసేందుకు రిలయన్స్కు చెందిన
న్యూఢిల్లీ: ఇటాలియన్ లగ్జరీ లైఫ్స్టైల్ టోడ్స్ (Tod's)ను భారతీయ మార్కెట్లో రిటైల్ చేసేందుకు రిలయన్స్కు చెందిన రిలయన్స్ బ్రాండ్స్ లిమిటెడ్ (RBL) ఆ సంస్థతో మల్టీ ఇయర్ ఫ్రాంచైజీ ఒప్పందం కుదుర్చుకుంది. ఈ దీర్ఘకాలిక ఒప్పందం ద్వారా టోడ్స్కు చెందిన ఫుట్వేర్, హ్యాండ్స్ బ్యాంగ్స్, యాక్సెసరీస్కు భారత మార్కెట్లో అధికారిక రిటైలర్గా మారినట్టు రిలయన్స్ తెలిపింది.
టోడ్స్ భారతదేశంలో 2008 నుంచి కార్యకలాపాలు నిర్వహిస్తోంది. ఢిల్లీలోని డీఎల్ఎఫ్ ఎంపోరియో, ముంబైలోని పల్లాడియమ్, రిలయన్స్ ఈ-కామర్స్ ప్లాట్ఫామ్ అజియో లక్స్లలో ఆ సంస్థ మోనోబ్రాండ్ స్టోర్లు ఉన్నాయి. ఇప్పుడు వీటిని ఆర్బీఎల్ స్వాధీనం చేసుకుంటుంది. మార్కెట్లో బ్రాండ్ సామర్థ్యాన్ని పెంపొందించడం, డిజిటల్గా అందుబాటులో ఉండే సౌకర్యాలను మరింత మెరుగుపరచడంపై ఆర్బీఎల్ దృష్టిసారించింది.
ఈ సందర్భంగా ఆర్బీఎల్ ఎండీ దర్శన్ మెహతా మాట్లాడుతూ.. అసాధారణ నాణ్యత, నైపుణ్యం కలిగిన డోడ్స్ గ్లోబల్ లగ్జరీ ఫ్రంట్లు తనకంటూ ఓ ప్రత్యేకమైన స్థానాన్ని సొంతం చేసుకుందని, భారత మార్కెట్లో ఇప్పుడు దానిని నిలబెట్టేందుకు ఒప్పందం కుదుర్చుకున్నందుకు సంతోషంగా ఉందని పేర్కొన్నారు. దేశంలోని ప్రముఖ లగ్జరీ రిటైలర్తో భాగస్వామ్యం కావడం సంతోషంగా ఉందని టోడ్స్ జనరల్ బ్రాండ్ మేనేజర్ కార్లో అల్బెర్టో బెరెట్టా అన్నారు.