ముదిరిపోతున్న దొంగల తెలివి.. వారు బంగారం చోరీ చేసి ఎక్కడ దాచేవారంటే..

Published: Thu, 10 Feb 2022 04:03:22 ISTfb-iconwhatsapp-icontwitter-icon
ముదిరిపోతున్న దొంగల తెలివి.. వారు బంగారం చోరీ చేసి ఎక్కడ దాచేవారంటే..

ఒక నగరంలో గత కొన్ని నెలలుగా ఇళ్లు, నగలు షాపుల్లో నుంచి బంగారం చోరీ కేసులు వరుసగా ముందుకొస్తున్న తరుణంలో పోలీసులు నిఘా ముమ్మరం చేశారు. వారికి అనుకోకుండా ఒక మఠా గురించి సమాచారం అందింది. దీంతో పోలీసులు ఆ ముఠాకు సంబంధించి ముగ్గురిని అరెస్టు చేశారు. వారిని విచారణ చేయగా.. బంగారం వారు దాచిన చోటు చూసి పోలీసులే షాకయ్యారు.


వివరాల్లోకి వెళితే.. ఛత్తీస్ గఢ్ రాష్ట్రంలోని బాలోద్ జిల్లాలో గత కొన్ని నెలలుగా వరుస దొంగతనాలు జరుగుతున్నట్లు పోలీసులకు ఫిర్యాదలందుతున్నాయి. వీటిలో బంగారం, బైక్ దొంగతనాలే ఎక్కువ. దీంతో పోలీసుల ప్రత్యేక బృందం దొంగలని పట్టుకోవడానికి నిఘా పెట్టింది. ఈ క్రమంలో పోలీసులకు ఒక షాపులో జరిగిన దొంగతనం కేసులో ఒక ముఠా గురించి కీలక సమాచారం అందింది.


ఈ చోరీలో అరుణ్ సాహు అనే పాత నేరస్తుడు చేశాడని తెలిసింది. అయితే పోలీసుల సాహుని పట్టుకోకుండా అతడిపై నిఘా పెట్టారు. ఆ తరువాత సమీపంలోని భాటాగావ్ అనే గ్రామంలో పట్టపగటలు ఒక ఇంట్లో దొంగలు చొరబడి బంగారు నగలు దోపిడీ చేశారని తెలిసింది. దీంతో పోలీసులు అరుణ్ సాహుని అరెస్టు చేసి విచారణ చేశారు. అతడు చెప్పిన సమాచారం మేరకు దొంగలకు సంబంధించిన ఒక స్థావరంలో పోలీసుల దాడి చేసి మరో ఇద్దరిని పట్టుకున్నారు. దీంతోపాటు రూ.10 లక్షల విలువైన బంగారం, వెండి ఆభరణాలు స్వాధీనం చేసుకున్నారు. మిగతా బంగారం వారు బ్యాంకులో తాకట్టు పెట్టి లోన్ రూపంలో డబ్బు తీసుకున్నారని తెలిసింది.


దొంగతనం చేసిన బంగారం బ్యాంకులో తాకట్టు పెట్టడం.. ఆ ముఠా నాయకుడు చూసుకుంటాడని.. అతని గురించి పూర్తి వివరాలు తమకు తెలియవని పట్టుబడిన వారు చెప్పారు. ఈ ముఠా మాస్టర్ మైండ్‌ కోసం పోలీసులు ఇంకా గాలిస్తున్నారు. బ్యాంకులో తాకట్టుపెట్టిన బంగారం విడిపించడానికి పోలీసులు చట్టపరమైన చర్యలు తీసుకుంటున్నారు. పట్టుబడిన దొంగలను కోర్టులో హాజరుపరచగా.. వారిని కోర్టు రిమాండ్‌కు పంపాలని ఆదేశించింది.




Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.