కుటుంబంతో మాల్దీవులకు Rohit Sharma !

Published: Thu, 26 May 2022 22:08:19 ISTfb-iconwhatsapp-icontwitter-icon
కుటుంబంతో మాల్దీవులకు Rohit Sharma !

ముంబై: ఐపీఎల్ 2022 (IPL2022)లో ముంబై ఇండియన్స్‌ దారుణంగా విఫలమైంది. ఈ సీజన్‌లో రోహిత్‌ సేన పేలవ ప్రదర్శనతో వరుస పరాజయాలు ముటగట్టుకుంది. దాంతో ఐపీఎల్‌ సీజన్‌ నుంచి నిష్క్రమించింది. ఈ మెగా టోర్నీలో ముంబై కెప్టెన్‌ రోహిత్‌ శర్మ దారుణంగా విఫలమయ్యాడు. 14 ఇన్నింగ్స్‌లో 19.14 సగటుతో 268 పరుగులు మాత్రమే చేశాడు. ఈ సీజన్‌లో రోహిత్‌ శర్మ అత్యధిక స్కోరు 48 పరుగులే. ఈ నేపథ్యంలో ఆ ఫెయిల్యూర్ మూడ్ నుంచి బయటపడేందుకు రోహిత్ తన భార్యతో కలిసి మాల్దీవులకు వెళ్లాడు. ఓ బీచ్ రిసార్ట్‌లో భార్య రితికతో కలిసి దిగిన ఫొటోను సోషల్ మీడియాలో షేర్ చేశాడు. అంతేకాదు... మరిన్ని రోజులు ఇలాంటి ఏకాంతం కావాలని క్యాప్షన్ ఇచ్చాడు.


ప్రస్తుతం ఈ ఫొటోలు సోషల్‌మీడియాలో వైరల్‌గా మారాయి. రోహిత్ శర్మ ఫ్యామిలీ టూర్‌పై అభిమానులు తెగ కామెంట్లు చేస్తున్నారు. ఇక ఐపీఎల్ చరిత్రలో తొలిసారిగా ఈ సీజన్‌లో రోహిత్ ఒక్క హాఫ్ సెంచరీ కూడా చేయలేకపోయాడు. ఐపీఎల్ 15వ సీజన్‌లో ముంబై తమ చివరి మ్యాచ్‌ను ఢిల్లీ క్యాపిటల్స్‌తో ఆడింది. ఈ మ్యాచ్‌లో ముంబై విజయం సాధించినప్పటికీ, రోహిత్ ప్రదర్శన నిరాశపరిచింది. రోహిత్ 13 బంతుల్లో 2 పరుగులు చేసి ఔటయ్యాడు. మరోవైపు దక్షిణాఫ్రికాతో జరగనున్న ఐదు మ్యాచ్‌ల టీ 20 సిరీస్ కు రోహిత్ శర్మ దూరంగా ఉన్నాడు. జూన్ చివర్లో ఇంగ్లండ్ తో జరిగే టెస్టు మ్యాచ్ కు రోహిత్ మళ్లీ అందుబాటులోకి రానున్నాడు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.