స్పుత్నిక్-వితో ఒమైక్రాన్ పరార్ : రష్యా

Published: Fri, 17 Dec 2021 20:29:12 ISTfb-iconwhatsapp-icontwitter-icon
స్పుత్నిక్-వితో ఒమైక్రాన్ పరార్ : రష్యా

న్యూఢిల్లీ: ప్రపంచవ్యాప్తంగా ఒమైక్రాన్ వేరియంట్ శరవేగంగా వ్యాప్తి చెందుతున్న వేళ పలు దేశాలు క్రమంగా ఆంక్షల వలయంలోకి వెళ్లిపోతున్నాయి. ప్రస్తుతం ఆరు ఖండాల్లో ఒమైక్రాన్ కేసులు వెలుగు చూశాయి. ఇక భారతదేశంలోనూ ఈ వేరియంట్ కేసుల సంఖ్య సెంచరీ మార్కు దాటేసింది. ఈ నేపథ్యంలో రష్యా కీలక ప్రకటన చేసింది. తొలినాళ్లలో వెలుగుచూసిన కరోనా వైరస్ కోసం తాము అభివృద్ధి చేసిన ‘స్పుత్నిక్-వి’ వ్యాక్సిన్ ఈ నయా వేరియంట్‌పై ప్రభావవంతంగా పనిచేస్తున్నట్టు ప్రకటించింది.


ప్రభుత్వం విడుదల చేసిన డేటా ప్రకారం.. ఇతర టీకాలతో పోలిస్తే స్పుత్నిక్-వి వ్యాక్సిన్ ఒమైక్రాన్ వేరియంట్‌పై మూడు నుంచి ఏడు రెట్లు మెరుగ్గా పనిచేసింది. ఎంఆర్ఎన్ఏ సాంకేతికతను ఉపయోగించిన అభివృద్ధి చేసిన టీకాల కంటే కూడా ప్రభావవంతంగా పనిచేసింది. అదే సమయంలో ‘స్పుత్నిక్ లైట్’ టీకా 80 శాతం సమర్థంగా పనిచేసినట్టు ఈ వ్యాక్సిన్లను అభివృద్ధి చేసిన గమలేయ సెంటర్ పేర్కొంది. స్పుత్నిక్ లైట్‌ను బూస్టర్ డోసుగా తీసుకోవడం ద్వారా ఒమైక్రాన్‌ను అణచివేయవచ్చని వివరించింది.   

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.