సద్గురు జగ్గీ వాసుదేవ్ నోట.. గంగవ్వ మాట.. మట్టి ప్రాముఖ్యత తెలియజేస్తూ... ఆయన ఏమన్నారంటే..

Published: Fri, 24 Jun 2022 19:39:15 ISTfb-iconwhatsapp-icontwitter-icon
సద్గురు జగ్గీ వాసుదేవ్ నోట.. గంగవ్వ మాట.. మట్టి ప్రాముఖ్యత తెలియజేస్తూ... ఆయన ఏమన్నారంటే..

గంగవ్వ అంటే తెలుగు రాష్ట్రాల్లో తెలియని వారు ఉండరంటే అతిశయోక్తి కాదు. యూట్యూబ్ చానల్ ద్వారా తెలుగు వారికి చేరువై.. చివరకు బిగ్‌బాస్ షోలో పాల్గొని.. తెలుగు రాష్ట్రాల్లో అందరికీ సుపరిచితురాలు అయ్యింది. ఇప్పుడీ ప్రస్తావన ఎందుకొచ్చిందంటే ‘సేవ్ సాయిల్’ పేరుతో మట్టి ప్రాముఖ్యతను తెలియజేస్తూ సద్గురు జగ్గీ వాసుదేవ్.. 100 రోజుల యాత్ర చేపట్టిన సంగతి తెలిసిందే. జూన్ 21న తమిళనాడు కోయంబత్తూరు పరిధి తిరునామం వద్దనున్న ఆదియోగి ప్రాంతంలో కావేరి నది ఒడ్డున ముగింపు కార్యక్రమాన్ని నిర్వహించారు. ఈ సందర్భంగా సద్గురు మాట్లాడుతూ గతంలో గంగవ్వను కలిసిన సందర్భాన్ని గుర్తు చేసుకున్నారు..

బిగ్‌బాస్ షోలో పాల్గొన్న గంగవ్వ.. ఒకే ఇంట్లో అన్ని రోజులు ఉండలేక, బయటికి వచ్చేసిన విషయం తెలిసిందే. ఆ సమయంలో ‘మట్టి ముచ్చట..’ అంటూ ‘మై విలేజ్ షో’ అనే యూట్యూబ్ చానల్ ద్వారా.. ‘సేవ్ సాయిల్’ కార్యక్రమం గురించి, జగ్గీ వాసుదేవ్ గురించి చెప్పుకొచ్చింది. ఈ విషయం తెలుసుకున్న సద్గురు.. ‘సేవ్ సాయిల్’ కార్యక్రమం సందర్భంగా హైదరాబాద్ వచ్చిన సమయంలో గంగవ్వను కలిశారు. ఈ సందర్భంగా సద్గురుతో "65 ఏళ్ల వయసున్న మీరు వర్షం, మంచు, ఇసుక తుఫానుల గుండా ప్రయాణిస్తున్నారంటే.. ఎవరో దేవుడు మీ వెనకే ఉన్నాడు, లేకపోతే  ఇదంతా జరగదు" అంటూ గంగవ్వ చెప్పుకొచ్చింది.

కావేరి నది ఒడ్డున జరిగిన ముగింపు కార్యక్రమంలో సద్గురు జగ్గీ వాసుదేవ్.. గంగవ్వ చెప్పిన మాటను గుర్తు చేసుకున్నారు. ‘‘గంగవ్వ చెప్పింది కరెక్టే.. నా వెనుక దేవుడు ఉన్నాడు.. అందుకే ఇదంతా నాకు సాధ్యమవుతోంది’’ అని తెలిపారు. ‘సేవ్ సాయిల్’ కార్యక్రమం ముగింపు సందర్భంగా.. 74 దేశాలు, 8 భారతీయ రాష్ట్రాలు, 9 అంతర్జాతీయ ఏజెన్సీలు.. మట్టిని రక్షించు ఉద్యమానికి మద్దతు ఇచ్చినట్లు సద్గురు చెప్పారు. త్వరలో మట్టిని రక్షించడం, పునరుత్పత్తి చేయడం తదితర అంశాలపై UK, US, దక్షిణ అమెరికా, కరేబియన్ దేశాలతో సహా 20కి పైగా దేశాల్లో సద్గురు పర్యటించనున్నారు.



ఇవి కూడా చదవండిLatest News in Telugu

కాటికి కాళ్లు చాపే వయసులో జిమ్మాస్టర్‌గా ఘనత.. త్వరలో "మిస్టర్ ఆసియా" పోటీల్లో పాల్గొంటున్న ఆ 72 ఏళ్ల వ్యక్తి ఎవరో తెలుసా..తల్లి ఫోన్లో వీడియోను చూసి తానూ అలా చేయాలనుకున్నాడు.. పదేళ్ల పిల్లాడి మృతి కేసులో షాకింగ్ నిజాలు..!ఆలయం వద్ద నదీ స్నానం చేస్తూ.. దంపతుల రాసలీలలు.. విసిగిపోయిన భక్తులంతా కలిసి చివరకు.. video100 బొద్దింకలను ఇంట్లోకి రానిస్తే.. లక్షన్నర రూపాయలు ఇస్తారట.. ఓ కంపెనీ వెరైటీ ఆఫర్..! రూ.93 కోట్ల ఆస్తికి వారసురాలు.. అయినా రూపాయి కూడా వాడుకోలేని స్థితి.. మరణించేముందు తండ్రి పెట్టిన ఆ ఒక్క కండీషన్‌తో..!రూ.10 నుంచి రూ.500 నోటు వరకు.. ఏ నోటును ముద్రించడానికి ఎంత ఖర్చు అవుతుందో తెలుసా..?
Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.