‘సంధ్యా’ రాగం

గౌరవ్‌ గుప్తా... భారత ఫ్యాషన్‌ ప్రపంచంలో ప్రత్యేకత సంపాదించుకున్న డిజైనర్‌. ఆయన రూపొందించే ప్రతి డ్రెస్సూ మాస్టర్‌ పీస్‌. ఒకేలా మరొకటి ఉండదు. వినూత్నంగా, రాబోయే ట్రెండ్‌కు వేదికగా ఆయన డిజైన్లు ఆకట్టుకొంటాయి. ఇక్కడ మోడల్స్‌ ధరించింది అలాంటి ఓ ప్రత్యేకమైన కలెక్షనే... ‘ద సెలెస్టియల్‌ సన్‌సెట్‌’! సాయం సంధ్యలో... ఆహ్లాదమైన ప్రకృతి ఒడిలో... దివి నుంచి భువికి దిగివచ్చిన తారల్లా ఈ భామలు మెరుస్తున్నారు. గ్రీకు పురాణగాథలను స్ఫూర్తిగా తీసుకుని దీనికి రూపం ఇచ్చారు గౌరవ్‌. పదహారేళ్లుగా ఫ్యాషన్‌ రంగంలో తన ముద్ర వేసుకున్న ఆయన... ఈ కలెక్షన్‌తో మనల్ని సరికొత్త ఊహాప్రపంచంలోకి తీసుకువెళతారు. సంప్రదాయ సొగసులకు పాశ్చాత్య హంగులద్ది ఇలా రకరకాల అభిరుచులవారిని ఆకర్షించారు.