ముమ్మరంగా నాట్లు
ABN , First Publish Date - 2021-07-27T05:42:01+05:30 IST
మండలంలో వరిసాగు ఊపందుకుంది. ఇటీవల కాలంలో ఎడతెరిపి లేకుండా కురిసిన వర్షాలు ఆగడంతో రైతులు వరి సాగుపై దృష్టి పెట్టారు.
కాళ్ళ మండలంలో 7,500 హెక్టార్లలో వరి సాగు
కాళ్ళ, జూలై 26 : మండలంలో వరిసాగు ఊపందుకుంది. ఇటీవల కాలంలో ఎడతెరిపి లేకుండా కురిసిన వర్షాలు ఆగడంతో రైతులు వరి సాగుపై దృష్టి పెట్టారు. సోమవారం మండలంలో బొండాడ, కోమటిగుంట, సీసలి, కోపల్లె, కాళ్ళకూరు, ఏలూరుపాడు, కాళ్ళ తదితర గ్రామాల్లో వరి నాట్లు ఊపందుకున్నాయి. మండలంలో సుమారు 7,500 ఎకరాలలో వరి సాగు చేపడుతున్నారు. ఇప్పటికే 2,500 ఎకరాల్లో నాట్లు పూర్తయ్యాయి. ఇటీవల కురిసిన వర్షాలకు కొంతమేర నాట్లు మునిగిపోవడంతో వాటి స్థానంలో కొత్త నాట్లు వేస్తున్నారు. మరోవైపు నారుమడులు మునిగిపోయిన రైతులు నాట్లు కాపాడుకునే ప్రయత్నంగా నీళ్లు తోడుకునే పనుల్లో నిమగ్నమయ్యారు.
