ఫైజర్ వ్యాక్సిన్ తీసుకున్న సౌదీ కింగ్ సల్మాన్‌

రియాద్: సౌదీ అరేబియా రాజు ముహమ్మద్ బిన్ సల్మాన్ శుక్రవారం ఫైజర్ వ్యాక్సిన్ మొదటి డోసు తీసుకున్నారు. సౌదీ జాతీయ కొవిడ్-19 వ్యాక్సిన్ ప్రణాళికకు అనుగుణంగా రాజు ముహమ్మద్ బిన్ సల్మాన్ టీకా తీసుకున్నారని ఆ దేశ ఆరోగ్యశాఖ మంత్రి తవ్ఫిక్ అల్ రబియా చెప్పారు. దేశ పౌరులు, నివాసితులకు ఉచితంగా టీకాలు అందించడం పట్ల కింగ్ సల్మాన్‌కు ఆరోగ్యమంత్రి ఈ సందర్భంగా కృతజ్ఞతలు తెలిపారు. కాగా, ఆ దేశ ఆరోగ్య మంత్రిత్వశాఖ ఈ నెల 17వ తేదీ నుంచి దేశ ప్రజలకు ఫైజర్ వ్యాక్సినేషన్ ప్రారంభించింది. ఇదిలా ఉంటే.. ప్రపంచ దేశాలను వణికిస్తున్న మహమ్మారి అటు సౌదీలోనూ తీవ్ర ప్రభావం చూపిస్తోంది. ఇప్పటివరకు దేశవ్యాప్తంగా 3,61,903 మంది వైరస్ బారినపడగా.. ఇందులో 6,168 మంది మృతిచెందారు.