పెళ్లి వేదికపై వధువు చేసిన పనికి వరుడు ఎంత సీరియస్ అయ్యాడంటే.. తలపాగా తీసి నేలకేసి కొట్టి..

ABN , First Publish Date - 2021-07-21T16:39:28+05:30 IST

ఇటీవలి కాలంలో పెళ్లి వేడుకల్లో జరుగుతున్న సరదా సంఘటనలు సోషల్ మీడియాలో వైరల్‌గా మారుతున్నాయి.

పెళ్లి వేదికపై వధువు చేసిన పనికి వరుడు ఎంత సీరియస్ అయ్యాడంటే.. తలపాగా తీసి నేలకేసి కొట్టి..

ఇటీవలి కాలంలో పెళ్లి వేడుకల్లో జరుగుతున్న సరదా సంఘటనలు సోషల్ మీడియాలో వైరల్‌గా మారుతున్నాయి. తాజాగా ఓ పెళ్లి వేడుకలో వరుడు ప్రవర్తించిన తీరు నెట్టింట నవ్వులు పూయిస్తోంది. ఆ వీడియోలో.. పెళ్లి వేదిక మీద తాళి కట్టే సమయానికి ముందు సిందూర్ కార్యక్రమం జరుగుతోంది. పెళ్లి కూతురి నుదుటిన బొట్టు పెట్టడానికి వరుడు సిద్ధమయ్యాడు. 


ఆ సమయంలో ఏం జరిగిందో ఏమో.. వధువు హఠాత్తుగా కింద పడిపోయింది. దీంతో వరుడు షాక్‌కు గురయ్యాడు. ఆ తర్వాత వధువు ప్రవర్తనపై అనుమానం వచ్చి ఆగ్రహానికి గురయ్యాడు. తన తలపాగా తీసి నేలకేసి కొట్టి, మెడలోని దండ తెంపేసి, వేదిక మీద నుంచి కిందకు దిగి వెళ్లిపోయాడు. బంధువులు ఆపే ప్రయత్నం చేసినా అతను ఆగలేదు. ఈ వీడియోను నిరంజన్ అనే వ్యక్తి ఇన్‌స్టాగ్రామ్‌లో పోస్ట్ చేశాడు. ఈ వీడియోపై నెటిజన్లు ఫన్నీ కామెంట్లు చేస్తున్నారు. 



Updated Date - 2021-07-21T16:39:28+05:30 IST