నిబంధనలు పాటించని ఆటోలు,బస్సులు సీజ్..
ABN , First Publish Date - 2022-07-07T15:30:57+05:30 IST
నిబంధనలు పాటించని స్కూల్ బస్సులపై ఆర్టీఏ అధికారులు కొరడా ఝులిపిస్తున్నారు. స్పెషల్ డ్రైవ్ నిర్వహిస్తూ నిబంధనలు పాటించని బస్సులను సీజ్ చేస్తున్నారు.
కర్నూలు : నిబంధనలు పాటించని స్కూల్ బస్సులపై ఆర్టీఏ అధికారులు కొరడా ఝులిపిస్తున్నారు. జిల్లా రవాణా శాఖ అధికారి రమేష్ ఆదేశాల మేరకు సి. క్యాంప్ సెంటర్లో ప్రైవేట్ స్కూల్స్, కళాశాలల బస్సులను తనిఖీ చేసిన ఏఎమ్ విఐ భాగ్య శ్రీ స్కూల్ వాహనాలపై దాడులు నిర్వహించారు.
ఏపీలో ప్రభుత్వం విడుదల చేసిన నిబంధనల ప్రకారం రాష్ట్రవ్యాప్తంగా ఇప్పటి వరకూ నిబంధనలు ఉల్లంఘించిన 25 ప్రైవేట్ స్కూల్ బస్సులపై కేసులు నమోదు చేశామని.. కెపాసిటీకి మించి విద్యార్ధులను తీసుకెళ్లే ఆటోలపై కఠిన చర్యలు తీసుకుంటామని డిటిసి రమేష్ తెలిపారు.
