మేకపోతు రూ.80 వేలు
ABN , First Publish Date - 2022-07-06T06:20:11+05:30 IST
ఓ మేకపోతు.. సాధారణంగా రూ.10 వేలకో.. రూ.15వేలకో అమ్ముడుపోతుంది. కదిరిలోని మార్కెట్ యార్డులో మంగళవారం ఓ మేకపోతు ఏకంగా రూ.80వేలు ధర పలికింది.
ఓ మేకపోతు.. సాధారణంగా రూ.10 వేలకో.. రూ.15వేలకో అమ్ముడుపోతుంది. కదిరిలోని మార్కెట్ యార్డులో మంగళవారం ఓ మేకపోతు ఏకంగా రూ.80వేలు ధర పలికింది. ఈనెల 10వ తేదీన బక్రీద్ పండుగ నేపథ్యంలో మార్కెట్లో గొర్రెలు, మేకలకు డిమాండ్ ఏర్పడింది. విపరీతమైన ధరలు పలుకుతున్నాయి. ఈ నేపథ్యంలో మంగళవారం మార్కెట్ యార్డుకు పెద్దఎత్తున మేకలు, గొర్రెలను యజమానులు తీసుకొచ్చారు. కొనుగోలుదారులు కూడా భారీగా వచ్చారు. స్థానిక ప్రభుత్వ డిగ్రీ కాలేజీ సమీపంలో ఉంటున్న షబ్బీర్ రెండు సంవత్సరాలుగా మేపిన మేకపోతును అమ్మకానికి తీసుకొచ్చాడు. దీని ధర రూ.80వేలుగా చెప్పాడు. ఒంటిపై ఎక్కడా గాయాలు లేకపోవడంతో ముస్లింలు ఈ మేకను కొనుగోలు చేయడానికి పోటీ పడ్డారు. పండుగ సందర్భంగా కుర్బానీ ఇవ్వడానికి ఇలాంటి మేకపోతును ఎంపిక చేసుకోవడం సంప్రదాయం. అందువల్లే ఈమేకపోతుకు భారీ డిమాండ్ ఏర్పడిందని యజమాని షబ్బీర్ తెలిపాడు.
కదిరి