చర్మాన్ని ఇలా కాపాడుకుందాం!

Apr 28 2021 @ 11:31AM

ఆంధ్రజ్యోతి(28-04-2021)

వాతావరణంలో మార్పులతో పాటే చర్మం అవసరాలు కూడా మారుతూ ఉంటాయి. వేసవిలో తీక్షణంగా ఉండే సూర్య కిరణాల నుంచి చర్మం నునుపునూ, మెరుపునూ కాపాడుకోవడం కష్టమవుతుంది. అలంటప్పుడు ఏం చేయాలంటే...


వేసవిలో చర్మం మీద తేమ బాగా తగ్గిపోతుంది. కాబట్టి ఈ సీజన్‌లో రోజుకు కనీసం పది నుంచి పన్నెండు గ్లాసుల నీరు తాగాలన్నది వైద్య నిపుణుల సూచన. పండ్లు ఎక్కువగా తింటే డీహైడ్రేషన్‌ నుంచి తప్పించుకోవచ్చు. 

రాత్రి నిద్రపోయే ముందు క్లీన్సింగ్‌, మాశ్చరైజింగ్‌ చేసుకోవాలి. చర్మానికి సహజమైన మాశ్చరైజర్లు అయిన పాలు, తేనె ఉపయోగిస్తే మంచి ఫలితాలుంటాయి. అలాగే రోజులో కనీసం రెండు సార్లు ముఖాన్ని శుభ్రంగా కడుక్కోవాలి. 

బయటకు వెళ్ళేటప్పుడు సన్‌ స్ర్కీన్‌ లోషన్‌ రాసుకోవాలి. సన్‌స్ర్కీన్‌ హానికరమైన అలా్ట్రవయొలెట్‌ రేడియేషన్‌ నుంచి రక్షణ ఇస్తుంది. వయసు ఛాయలు కనిపించకుండా చేస్తుంది. 

యాంటీ ఆక్సిడెంట్లు ఉండే టొమాటో, విటమిన్‌ ‘సి’ ఉన్న నిమ్మ రసం లాంటివి తాగడం మంచిది. టొమాటో గుజ్జు, కాస్త నిమ్మరసం కలిపి ముఖానికి రాసుకొని, పది నిమిషాల తరువాత కడుక్కుంటే చర్మం చల్లబడుతుంది.   

పాలు, తేనే, ఓట్స్‌ లాంటి వాటితో ఫేస్‌ మాస్క్‌ తయారు చేసుకోవచ్చు. వీటివల్ల చర్మం మృదువుగా మారుతుంది. తగినంత తేమ అందుతుంది. 

తొందరగా చెమట పట్టే ఈ కాలంలో మేకప్‌ తక్కువగా వేసుకోవడమే మంచిది. 

Follow Us on:
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.