సబ్బుకు బదులు..
ABN , First Publish Date - 2020-10-25T21:18:18+05:30 IST
సబ్బులు మన నిత్యావసరాల్లో ఒకటి. అవి లేకపోతే స్నానం చేసినట్టే ఉండదు. ఏదో తెలియని వెలితి. కానీ సబ్బులు వాడకపోవడమే చాలా ఉత్తమమైన పని అంటున్నారు....
సబ్బులు మన నిత్యావసరాల్లో ఒకటి. అవి లేకపోతే స్నానం చేసినట్టే ఉండదు. ఏదో తెలియని వెలితి. కానీ సబ్బులు వాడకపోవడమే చాలా ఉత్తమమైన పని అంటున్నారు సౌందర్య నిపుణులు. సబ్బుల్లో ఉండే రసాయనాల వల్ల కొందరికి చర్మవ్యాధులు, దురదలు వంటివి వచ్చే అవకాశం ఉంది. దీర్ఘకాలంలో చర్మక్యాన్సర్ కూడా వచ్చే ప్రమాదం ఉంది. మరి సబ్బులకు బదులు ఏం వాడాలి? పూర్వం సబ్బుల్లేవు.
మరి మన పూర్వీకులు ఏం వాడారు? సున్నిపిండి. అందులో కాస్త మీగడ కలుపుకుని స్క్రబ్లా చేసుకుని రాసుకుంటే చర్మం తేజోవంతంగా మారుతుంది. సున్నిపిండి చర్మంపై ఉన్న మృతకణాలను తీసేయడంలో చక్కగా పనిచేస్తుంది. సున్నిపిండితో స్నానం చేయడం కష్టం అనుకునేవారు నేచురల్ సోపులను వాడడం ఉత్తమం. కొబ్బరి, ఆలివ్, సహజసిద్ధమైన కొవ్వులతో తయారుచేస్తారు కనుక వాటిని వాడితే ఎలాంటి సమస్య ఉండదు. అన్నట్టు సున్నిపిండితో చేసిన సబ్బులు కూడా ఇప్పుడు అందుబాటులో ఉంటున్నాయి.