సామాజిక ఎడబాటుతో అనర్థం

Published: Mon, 16 Nov 2020 00:17:38 ISTfb-iconwhatsapp-icontwitter-icon
సామాజిక ఎడబాటుతో అనర్థం

ఒంటరితనం, సామాజిక ఎడబాటు వంటివి మహిళల్లో బి.పి పెరిగేందుకు కారణమవుతాయని తాజా అధ్యయనం చెబుతోంది. బ్రిటీషు కొలంబియా యూనివర్సిటీ ‘హైపర్‌టెన్షన్‌’ జర్నల్‌లో ప్రచురించిన ఈ అధ్యయనం వివరాలివి. సామాజిక వెలి అనేది పురుషులు, మహిళల్లో భిన్నమైన ప్రభావం చూపుతుంది. ముఖ్యంగా మహిళల్లో బి.పి అధికమయ్యేందుకు దారి తీస్తుంది. పరుషులతో పోలిస్తే సామాజికంగా మంచి అనుబంధం లేని నడి వయసు, పెద్ద వయసు మహిళల్లో గుండె సమస్యలకు దారితీసే బి.పి ఎక్కువగా ఉండే అవకాశం ఉంది.


‘‘పెద్దవాళ్లలో పొగతాగడం తరువాత ప్రాణాంతకంగా పరిణమించే వాటిలో సామాజిక ఎడబాటు ఒక ప్రధాన కారణం’’ అంటున్నారు అసిస్టెంట్‌ ప్రొఫెసర్‌ అన్నాలిజిన్‌ కాంక్లిన్‌. అధ్యయనంలో 45 నుంచి 85 ఏళ్ల మధ్య వయసున్న 28,238 మందిని పరిశీలించారు. భాగస్వామి లేని మహిళలు, నెలలో మూడు కన్నా తక్కువ సామాజిక కార్యక్రమాల్లో భాగంకాని వారు, 85 మంది కన్నా తక్కువ మందితో పరిచయం ఉన్నవారిలో అధిక బి.పి ముప్పు ఎక్కువని పరిశోధకులు గుర్తించారు. భర్త చనిపోయిన మహిళలు, భర్త ఉన్న మహిళల్లో బి.పి హెచ్చుతగ్గులు ఉన్నట్లు తేలింది. ‘కరోనా భయంతో ప్రస్తుతం మేము అందరినీ కలవడం లేదు. అయితే వయసు పైబడిన వారు నలుగురితో మాట్లాడడం ఎంత ముఖ్యమో ప్రజారోగ్యం విధుల్లో ఉన్నవారు తెలియజెప్పాలి’ అంటున్నారు పరిశోధకులు. 

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకం Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.