వడివడిగా కండలేరు కాలువ విస్తరణ పనులు
ABN , First Publish Date - 2021-06-21T02:30:07+05:30 IST
సోమశిల కండలేరు వరద కాలువ విస్తరణ పనులు ప్రారంభమయ్యాయి.
కలువాయి, జూన్ 20 : సోమశిల కండలేరు వరద కాలువ విస్తరణ పనులు ప్రారంభమయ్యాయి. ఈ కాలువ ప్రస్తుత ప్రవాహ సామర్థ్యం 12 వేల క్యూసెక్కులు. దీంతో సోమశిల నుంచి కండలేరుకు రోజుకు 1 టీఎంసీ మాత్రమే తరలించేందుకు అవకాశం ఉంది. సాధారణంగా సోమశిల జలాశయానకి ప్రతి ఏటా నెల రోజలు మాత్రమే వరద వస్తుంది. ఈ నేపథ్యంలో కండలేరు కాలువ సామర్థ్యం రెట్టింపు చేస్తే నెల రోజుల్లో కండలేరు జలాశయాన్ని నింపే అవకాశం ఉంటుంది. ఈ పనులకు ప్రభుత్వం రూ.928.5కోట్లతో పరిపాలనా అనుమతులు మంజూరు చేయగా, నెల రోజులుగా పనులు జరుగుతున్నాయి. ఈ పనులు పూర్తైతే అదనంగా 50 వేల ఎకరాలకు నీరు అందించడంతో పాటు చైన్నై, తిరుపతి, చిత్తూరు జిల్లాలకు సమృద్థిగా నీరు ఇవ్వాలన్నది ప్రభుత్వ లక్ష్యం.